पाकिस्तानमध्ये पहिल्या सरन्यायाधीश होणार, कोण आहेत आयशा मलिक?
पााकिस्तानच्या इतिहासात पहिल्यांदाच सर्वोच्च न्यायालयाच्या प्रमुखपदी म्हणजेच सरन्यायाधीशपदी एका महिलेची वर्णी लागणार आहे. न्यायमूर्ती आयशा मलिक असं या पाकिस्तानी महिलेचं नाव आहे.
लाहोर : पााकिस्तानच्या इतिहासात पहिल्यांदाच सर्वोच्च न्यायालयाच्या प्रमुखपदी म्हणजेच सरन्यायाधीशपदी एका महिलेची वर्णी लागणार आहे. न्यायमूर्ती आयशा मलिक असं या पाकिस्तानी महिलेचं नाव आहे. पाकिस्तानचे मावळत्या सरन्यायाधीश मुशीर आलम यांनी सुप्रिम कोर्टातील पदोन्नतीसाठी आयशा मलिक यांच्या नावाची शिफारस केलीय. मुशीर आलम 17 ऑगस्ट रोजी निवृत्त होत आहेत. त्यामुळे पाकिस्तानची एक न्यायालयीन समिती आयशा मलिक यांचा सर्वोच्च न्यायालयाच्या प्रमुखपदासाठी विचार करत आहे.
कोण आहेत आयशा मलिक?
न्यायमूर्ती आयशा मलिक या सध्या लाहोर उच्च न्यायालयात न्यायाधीश म्हणून काम करत आहेत. ज्येष्ठतेच्या यादीत त्यांचा चौथा क्रमांक लागतो. न्यायमूर्ती आयशा मलिक यांनी लाहोरमध्ये पाकिस्तान कॉलेज ऑफ लॉमध्ये कायद्याचं शिक्षण घेतलं. यानंतर त्यांनी लंडनमधील प्रतिष्ठित हार्वर्ड लॉ स्कूलमधून मास्टर डिग्री घेतली. मार्च 2012 मध्ये आयशा मलिक लाहोर उच्च न्यायालयात न्यायाधीश झाल्या. त्यांनी 1997 ते 2001 दरम्यान कराचीत फखुरुद्दीन जी इब्राहिम लीगल कंपनीत सहायता म्हणून काम करत आपल्या करियरची सुरुवात केली होती.
प्राथमिक शिक्षण पॅरिस आणि न्यूयॉर्कमधील शाळेतून
आयशा मलिक यांनी आपलं सुरुवातीचं शिक्षण पॅरिस आणि न्यूयॉर्कमधील शाळेतून घेतलं आणि लंडनच्या फ्रांसिस हॉलंड स्कूल फॉर गर्ल्समधून ए-लेव्हल शिक्षण पूर्ण केलं. 2019 मध्ये महिला न्यायाधीशांच्या सुरक्षेसाठी तयार करण्यात आलेल्या समितीचं अध्यक्षपदही आयशा मलिक यांनी भूषवलं आहे. या समितीची स्थापना जिल्हा न्यायालयांमध्ये महिला न्यायाधीशांविरोधात सुरू असलेल्या गुंडगिरीवर नियंत्रणासाठी केली होती.
“बलात्कार पीडित महिलांवर टू-फिंगर आणि हायमन टेस्टचा उपयोग बेकायदेशीर ठरवला”
महिलांच्या सबलीकरणासाठी आणि त्यांच्या समान न्याय हक्कांसाठी काम करणाऱ्या द इंटरनेशनल असोसिएशन ऑफ विमेन जज (IAWJ) या संस्थेच्या सदस्य म्हणूनही मलिक यांनी काम केलं. जानेवारी 2021 मध्ये मलिक यांनी बलात्कार पीडित महिलांवर टू-फिंगर आणि हायमन टेस्टचा उपयोग बेकायदेशीर असल्याचा ऐतिहासिक निकाल दिला.
हेही वाचा :
Kargil Vijay Diwas: भारतीय सैनिकांच्या शौर्यासोबतच या शस्त्रास्त्रांद्वारे जिंकलं कारगिलचं युद्ध, वाचा सविस्तर
अफगाणिस्तानात काय व्हायचं ते होईल पण रशिया, चीन, पाकिस्तान या त्रिकुटाची बैठक भारतासाठी धोक्याची घंटा, सामनातून केंद्राला सल्ला
Exclusive: पाकिस्तानची पोलखोल, TV9 च्या मुलाखतीत अफगाणिस्तानमधील तालिबान्याचे धक्कादायक खुलासे
व्हिडीओ पाहा :
