प्लेन हायजॅकचं धक्कादायक सत्य समोर! दोन्ही पायलटमध्ये जोरदार भांडण, एकाने तर थेट…त्या घटनेत काय घडलं?

यूएईमधील दुबईतून इस्रायलमधील तेल अवीव येथे जाणाऱ्या एका विमानातून अचानक इमर्जन्सी अलर्ट जारी करण्यात आला विशेष म्हणजे आपत्कालीन स्थिती म्हणून या विमानाचा मार्ग अचानक बदलून त्याचे सैदी अरेबिया येथे इमर्जन्सी लँडिंग करण्यात आले. सूत्रांच्या माहितीनुसार या विमानातून हायजॅकिंगचा इमर्जन्सी अलर्टही जारी करण्यात आला होता. परंतु याबाबत आतापर्यंत कोणतीही अधिकृत माहिती समोर आलेली नव्हती. ही घटना समोर येताच इस्रायलमध्ये एकच खळबळ उडाली आहे. इस्रायलचे पंतप्रधान बेंजामीन नेतान्याहू यांनी बैठक बोलावली असून विमानाच्या स्थितीतबाबत जाणून घेतले जात आहे. हे विमान फ्लाय दुबई या कंपनीचे आहे. दरम्यान, आता या कथित विमान हायजॅकिंगबाबत धक्कादायक माहिती समोर आली आहे. पायलटनेच हे विमान क्रॅश करण्याचा प्रयत्न केला. त्यानंतर दोन पायलटमध्ये भांडणही झाले.

नेमकं काय घडलं?

मिळालेल्या माहितीनुसार यूएईहून एक विमान इस्रायलला जात होते. परंतु या विमानाचे सौदी अरेबियात इमर्जन्सी लँडिंग करण्यात आले. यातील एका पायलटने दुसऱ्या पायलटवर चाकून वार केला. तसेच हवेत असणारे विमान क्रॅश करण्याचा प्रयत्न करण्यात आले. तसे वृत्त इस्रायलचे न्यूज चॅनेल आय 24 ने दिले आहे. या विमानाने अगोदर इमर्जन्सी सिग्नल दिले होते. या इमर्जन्सी सिग्नलनंतर इस्रायलने आपले लढाऊ विमान पाठवले होते. या विमानात साधारण 180 प्रवासी होते. यापैकी बहुसंख्य प्रवासी हे इस्रायली होते.

वैमानिकावर हल्ला का करण्यात आला?

दरम्यान, या विमानातून प्रवास करणाऱ्या एका प्रवाशाच्या अंगावर रक्ताचे डाग असल्याचाही दावा केला जातोय. दरम्यान, या घनटेत कोणतीही जीवितहानी झालेली नाही. परंतु वैमानिकाने दुसऱ्या वैमानिकावर का हल्ला केला, याची नेमकी माहिती समोर आलेली नाही.

दुसरीकडे या घटनेची माहिती मिळताच इस्रायलची सुरक्षा यंत्रणा सतर्क झाली होती. पंतप्रधान नेतन्याहू आणि संरक्षण मंत्री इस्रायल कात्झ यांनी आपत्कालीन बैठक बोलावली होती. आता या प्रकरणाची चौकशी सुरू करण्यात आली आहे. लवकरच वैमानीकांमध्ये वाद का झाला? हे समोर येणार आहे.