येथे होणार जगातील पहिली पुरुषांच्या स्पर्मची रेस, 40 मिनिटांत कळणार किसमे में है कितना दम

अमेरिकेच्या लॉस एंजिल्सच्या हॉलीवूड पॅलेडयममध्ये जगातल्या आगळ्या – वेगळ्या स्पर्धेचे आयोजन करण्यात आले आहे. ही जगातील पहिली ‘स्पर्मच्या शर्यतीची स्पर्धा’ आहे. ही स्पर्धा पुरुषांमध्ये घटत्या प्रजनन क्षमतेसंदर्भात लोकांमध्ये जनजागृती करण्यासाठी ही स्पर्म रेस आयोजित केली आहे. २० सेंटीमीटर्सच्या ट्रॅकवर दोन स्पर्म पेशींना धावताना डिजिटली दाखवले जाणार आहे. या स्पर्धेचे लाईव्ह प्रसारण केले जाणार आहे.

साल २०२५ मध्ये जगातल्या पहिल्या स्पर्म रेसचे आयोजन केले आहे. अमेरिकेतील लॉस एंजेलिसमध्ये २५ एप्रिल रोजी ही अनोखी स्पर्धा होणार आहे. ही रेस हॉलीवूडच्या हॉलीवुड पॅलेडियम मध्ये होणार आहे. येथे दोन खरोखरचे शुक्राणू ( स्पर्म ) एका २० सेंटीमीटर लांबीच्या मायक्रोस्कोपिक ट्रॅकवर धावणार आहेत. या ट्रॅकला महिलांच्या प्रजनन प्रणालीसारखे विकसित केले आहे. या स्पर्धेचा हेतु मनोरंजनाच्याही पलिकडचा आहे. जगात पुरुषांची प्रजनन क्षमता ( फर्टीलीटी रेट ) बद्दल जनजागृती करण्याचा उदात्त हेतू यामागे आहे. गेल्या पन्नास वर्षात पुरुषातील स्पर्मची संख्येत ५० टक्क्यांहून अधिक घसरण झाली आहे. त्यामुळे या मोठ्या समस्येकडे लक्ष वेधण्यासाठी या अनोख्या रेसचे आयोजन केलेले आहे.

रेसला कॅमऱ्यांद्वारे रेकॉर्ड केले जाणार

या रेसला लाईव्ह मायक्रोस्कोप आणि एचडी कॅमेऱ्यांद्वारे रेकॉर्ड केले जाणार आहे आणि सुमारे ४००० दर्शक या रेसला लाईव्ह पाहातील अशी सोय करण्यात आली आहे. या रेसची कॉमेंट्री केली जाईल. डेटा एनालिसीस आणि रिप्ले देखील दाखवला जाईल, त्यामुळे एखाद्या मॅच इव्हेंट सारखा माहोल होईल. तसेच प्रेक्षक आपल्या पसंतीच्या स्पर्म सम्पलवर सट्टा देखील लावू शकणार आहेत.

लाजू नये, संकोच करु नये यासाठी

या स्पर्म स्पर्धेचे आयोजन आरोग्य आणि फर्टीलिटी कमी होण्याच्या मुद्यावर लोकांनी मोकळेपणाने चर्चा करावी यासाठी यावर बोलण्यात लाजू नये, संकोच करु नये यासाठी केले आहे. लोक कोणत्या स्पर्धा किंवा खेळांसाठी स्वत:ला तयार करतात,मग त्यांनी आरोग्याची काळजी का घेऊ नये असे या स्पर्धेचे आयोजक Sperm Racing चे सह संस्थापक एरिक झू यांनी म्हटले आहे.