इराणचे सर्वाेच्च नेते मोजतबा खामेनेई यांच्याबद्दल अमेरिकेची सर्वात मोठी घोषणा, थेट 1 कोटी…
अमेरिका आणि इराण यांच्यात युद्ध सुरू असून आज युद्धाचा 15 वा दिवस आहे. इराण कोणत्याही परिस्थितीमध्ये हार मानत नसल्याने अमेरिकेचा थयथयाट झाला. यासोबतच हे युद्ध थांबवण्याकरिता अमेरिकेवर मोठा दबाव आहे. अनेक देशांमध्ये आणीबाणी लागू होण्याची स्थिती आहे.
अमेरिका आणि इराण युद्ध पेटले आहे. आज युद्धाचा 15 वा दिवस आहे. मोठे हल्ले केले जात आहेत. इराणने होर्मुज सागरीमार्ग बंद केल्याने अमेरिका आणि इस्त्रायलवरील दबाव वाढला. निर्यात आणि आयात थांबली. इराणचे सर्वाेच्च नेते आयातुल्ला अली खामेनेई यांना अमेरिकेने हल्ल्यात ठार केले. फक्त आयातुल्ला अली खामेनेई हेच नाही तर त्यांच्यासह त्यांच्या कुटुंबातील अनेक जण ठार झाले. आयातुल्ला अली खामेनेई यांच्या निधनानंतर इराणमध्ये एक मोठी संतापाची लाट बघायला मिळाली. इराण अधिक घातक बनला आणि ज्या कोणत्या आखातील देशामध्ये अमेरिकेचे लष्कर तळ आहेत, अशा ठिकाणी हल्ला करण्यास सुरूवात केली. या युद्धाचा फटका आपल्याला बसणार नाही, असे कुवेत, कतार आणि साैदी अरेबियाला वाटत होते. मात्र, सर्वात जास्त या युद्धाचा फटका त्यांनाच बसला आहे. नेहमी पर्यटकांची वर्दळ असलेल्या दुबईत आज रस्त्यावर लोक नाहीत. यादरम्यानच आता अमेरिकेकडून अत्यंत मोठी घोषणा करण्यात आली.
आयातुल्ला अली खामेनेई यांच्या निधनानंतर इराणचे सर्वाेच्च नेते म्हणून आयातुल्ला अली खामेनेई यांचा मुलगा मोजतबा खामेनेई याच्या नावाची घोषणा करण्यात आली. जशीही मोजतबा खामेनेई यांच्या नावाची घोषणा करण्यात आली, तसा इराण अधिक घातक बनला आणि थेट इस्त्रायलवर मोठे क्षेपणास्त्र टाकली. मात्र, मोजतबा खामेनेई जास्त काळ जिवंत राहणार नसल्याचे थेट धमकीच अमेरिकेने दिली.
या युद्धात अमेरिकेच्या निशाण्यावर इराणचा सर्वाेच्च नेता असल्याचे अगोदरच स्पष्ट आहे. आयातुल्ला अली खामेनेई यांच्यावर करण्यात आलेल्या हल्ल्यात मोजतबा खामेनेई जखमी झाल्याचे सांगितले जाते. त्यांच्या पायाला दुखापत झाली. मात्र, यानंतर मोजतबा खामेनेई यांनी इराणच्या जनतेला संबोधित केले आणि इराण हे युद्ध सुरू ठेवणार असल्याचेही त्यांनी जाहीर केले. मात्र, मोजतबा खामेनेई अजूनही कॅमेऱ्यापुढे आले नाहीत, त्यांच्या तब्येतीबद्दल विविध चर्चा रंगताना दिसत आहेत.
आता नुकताच अमेरिकेने अत्यंत मोठी घोषणा केली असून थेट मोजतबा खामेनेई यांच्यावर 1 कोटींचे बक्षिस जाहीर केले. मोजतबा खामेनेई यांच्याबद्दल काहीही माहिती देणाऱ्या आणि यासोबतच्या इराणच्या अजून 10 नेत्यांबद्दल माहिती देणाऱ्या अमेरिका 1 कोटी रूपये देणार आहे. अमेरिकेकडून 1 कोटींचे बक्षिस दिले जाणार आहे. अमेरिकेच्या या घोषणेनंतर मोठी खळबळ उडाल्याचे बघायला मिळत आहे.
