अमेरिकेने भारताकडून शिकले पाहिजे, डोनाल्ड ट्रम्प यांचे मोठे विधान, भारताने थेट दाखवली ताकद..

अमेरिकेचे राष्ट्राध्यक्ष डोनाल्ड ट्रम्प यांच्याकडून भारतावर टॅरिफ लावण्याची तयारी सुरू आहे. तसा निर्णय घेतला जातोय. भारत, चीन यासह काही देशांवर 100 टक्के टॅरिफ हा अमेरिकेकडून लावला जात आहे. इराण आणि अमेरिका युद्धात भारताने तटस्थ आणि शांतीची भूमिका घेतली. आता कुठे काही महिन्यांनंतर हे युद्ध शांत झाले. मात्र, तणाव अजूनही कायम आहे. मधल्या काळात डोनाल्ड ट्रम्प भारताबद्दल आग ओकताना दिसले. हेच नाही तर भारत रशियाकडून तेल खरेदी करत असल्याने मोठा टॅरिफही भारतावर लावण्यात आला. भारताला रशियाचे कपडे धुण्याचे मशिनही त्यांनी म्हटले. दुसरीकडे भारत आमचा चांगला मित्र असल्याचेही ते बोलत होते. आता डोनाल्ड ट्रम्प यांचे भारताबद्दलचे सूर पुन्हा एकदा बदलले आहेत. त्यांनी भारताचे काैतुक केले.

डोनाल्ड ट्रम्प यांनी भारतीय निवडणूक प्रणालीचे उघडपणे काैतुक केले. त्यांनी अमेरिकेतील निवडणुकांबाबतचा एक महत्त्वाचा मुद्दा पुन्हा एकदा उपस्थित केला. डोनाल्ड ट्रम्प यांनी भारतात मतदारांची ओळख पटवण्यासाठी फोटो असलेले ओळखपत्र वापरले जाते. अमेरिकेनेही आपल्या निवडणूक प्रक्रियेसाठी अशाच प्रकारची कठोर नियमावली अंमलात आणली पाहिजे, असे त्यांनी स्पष्ट म्हटले.

डोनाल्ड ट्रम्प यांनी ‘ट्रुथ सोशल’ या मीडिया प्लॅटफॉर्मवर भारताचे मुख्य निवडणूक आयुक्त ज्ञानेश कुमार यांच्याशी झालेल्या अलीकडील संभाषणाबद्दलचाही उल्लेख केला. ट्रम्प यांनी म्हटले की, भारताचे मुख्य निवडणूक आयुक्त ज्ञानेश कुमार यांनी अमेरिकन प्रशासनाला प्रश्न विचारला होता की, वैध फोटो ओळखपत्राशिवाय अमेरिकेत निवडणुका कशा घेऊ शकतात.

ट्रम्प यांनी पुढे म्हटले की, भारताच्या मागच्या सार्वजनिक निवडणुकीत तब्बल 64 कोटी लोकांनी मतदान केले होते. प्रत्येक मतदाराकडे वैध फोटो असलेले ओळखपत्र होते आणि ते अनिवार्य होते. ट्रम्प यांनी अमेरिकन काँग्रेसला सेव्ह अमेरिका ॲक्ट त्वरित मंजूर करण्याचे आवाहन केले. पहिल्यांदाच थेटपणे भारताचे काैतुक करताना डोनाल्ड ट्रम्प दिसले आहेत. भारताच्या निवडणूक प्रक्रियेचे त्यांनी काैतुक केले. यासोबतच त्यांनी मोठे आवाहन केले.