गूढ आजाराने वाढवल्या चिंता, कोरोनापेक्षा 20 पट प्राणघातक; WHO ने बोलवली तातडीची बैठक

मुंबई : कोरोनानंतर आता डिसीज एक्स नावाच्या आजाराने पुन्हा एकदा जगाच्या चिंता वाढवल्या आहेत. तज्ञांनी हा आजारा कोरोना पेक्षा 20 पटीने घातक असल्याचे म्हटले आहे. याचा धोका लक्षात घेता WHO ने देखील यावर गंभीर पाऊले उचलण्यास सुरुवात केली आहे. स्वित्झर्लंडमध्ये झालेल्या वर्ल्ड इकॉनॉमिक फोरमच्या बैठकीत देखील याचा समावेश केला गेला होता. डब्ल्यूएचओच्या संचालकांनी देखील याबाबत आरोग्य अधिकाऱ्यांशी चर्चा केली. हा आजार कशामुळे होतो आणि याचा परिणाम किती घातक असू शकतो हे अजून पुढे आलेले नाही. पण तो भविष्यासाठी अत्यंत धोकादायक मानला जात आहे.

नव्या रोगाबाबत बैठक

वर्ल्ड हेल्थ ऑर्गनायझेशनने 2017 मध्येच या आजाराबाबत सावध भूमिका घेतली होती. SARS आणि Ebola या आजारांसह X वरही चाचण्या घेतल्या जात होत्या. WHO या आजाराबाबत आता तातडीची बैठक घेणार आहे. दाओसमध्ये यावर चर्चा केली जाणार आहे. ब्राझीलचे आरोग्यमंत्री आणि भारताचे अपोलो हॉस्पिटल्सचे कार्यकारी उपाध्यक्ष प्रीता रेड्डी हे देखील या बैठकीला जाणार आहेत. डब्लूएचओचे अध्यक्ष याचे नेतृत्व करणार आहेत.

आव्हाने पेलण्यासाठी तयार

या महामारीपासून जगाला वाचवण्यासाठी आतापासूनच तयारी करायला हवी असे डब्ल्यूईएफने म्हटले आहे. येणारी आव्हाने पेलण्यासाठी तयार राहण्याची आणि आरोग्य यंत्रणा सतर्क ठेवण्याची गरज आहे. यावर लस, औषधे आणि चाचण्या याबाबत आताच पाऊले उचलण्याची देखील आवश्यकता आहे. वन्यजीवांमध्ये असलेले विषाणू मानवी आरोग्यासाठी अत्यंत घातक ठरू शकतात. कारण हा विषाणू प्राण्यांपासून माणसांमध्ये पसरण्याची भीती असते.

वेळीच पाऊले उचलले असती तर

डब्ल्यूएचओने असेही म्हटले की, या आजारावर ते लक्ष ठेवून आहेत. 2014 ते 2016 दरम्यान आफ्रिकेत इबोलाची साथ पसरली होती. त्यावेळी केले गेलेले संशोधन हे एक्स रोगाच्या उपयुक्त ठरु शकतील. इबोलामुळे 11 हजार लोकांना जीव गमवावा लागला होता. त्यामुळे वेळीच पाऊले उचलले असती तर इतके मृत्यू झाले नसते. डब्ल्यूएचओने यानंतर अशा आजारांची ओळख करण्यास सुरुवात केली. भविष्यात ज्या आजारांचा किंवा रोगांचा धोका आहे. त्याची तयारी आधीपासूनच करण्यासाठी पुढाकार घेण्याची गरज आहे.