कोरोनाच्या डेल्टा प्लस व्हायरसपासून बचाव कसा करायचा ? लस प्रभावी आहे का? तज्ज्ञ काय म्हणतात?

भारतात सध्या कोरोना रुग्ण संख्या कमी होते आहे. मात्र, कोरोना विषाणू सतत रुप बदल आहे. कोरोनाच्या बदलत्या वेरियंटमुळे चिंता कायम आहे. Coronavirus Delta plus variant

Corona Update

TV9 मराठी डिजीटल टीम | Edited By: Sachin Patil | सचिन पाटील | Updated on: Jun 26, 2021 | 5:07 PM

नवी दिल्ली: भारतात सध्या कोरोना रुग्ण संख्या कमी होते आहे. मात्र, कोरोना विषाणू सतत रुप बदल आहे. कोरोनाच्या बदलत्या वेरियंटमुळे चिंता कायम आहे. कोरोना वायरसच्या नव्या रुपाला डेल्टा प्लस हे नाव देण्यात आलं आहे. AY.1 Variant असं नाव विषाणूला देण्यात आलं आहे. नव्या वेरियंटमुळे विषाणूतज्ज्ञदेखील चिंतेत असून त्यांच्याकडून अभ्यास करण्यात येत आहे. दुसरीकडे कोरोना लस या नव्या डेल्टा प्लस वेरियंटवर प्रभावी ठरणार का? असे सवाल देखील नागरिकांच्या मनात निर्माण जाले आहेत. डॉ. ए.के. वार्ष्णेय यांनी याबाबत निर्माण झालेल्या प्रश्नांची सविस्तर उत्तर दिली आहेत. ( Corona virus Delta plus variant Symptoms how Effective Vaccine on New Variants of Sars cov 2)

1. कोरोनाच्या डेल्टा विषाणूनंतर डेल्टा प्लस चर्चेत आहे त्यापासून बचाव कसा करायचा?

व्हायरस काहीही असो, तो नेहमी त्याची अनुवांशिक रचना बदलत राहतो. विषाणू जेव्हा त्याची रचना बदलते, तेव्हा त्याला शास्त्रज्ञ एक नवीन नाव देतात. कोणताही विषाणू त्याचं रुप बदलत असतो. ज्यावेळी लोक विषाणूचा प्रभाव नष्ट करण्यासाठी लस किंवा औषधं घेतात त्यापासून वाचण्यासाठी विषाणूकडून रुप बदलं जातं. मात्र, आपण कायम मास्क वापरणे, हात स्वच्छ ठेवणे, सुरक्षित अंतर ठेवणे या गोष्टी आपल्या हातात आहेत, असं वार्ष्णेय यांनी सांगितलं.

2. नव्या वेरियंटवर लस प्रभावी आहे का?

आपण आतापर्यंत वापरत असलेली लस वेरियंटवर प्रभावी आहे. बर्‍याच वेळा अशा प्रकारे अनुवांशिक बदलांमुळे व्हायरस नष्ट होतात. सार्स कोरोना व्हायरस (Sars Cov 1) अशाप्रकारे संपला होता. म्हणूनच, जेव्हा जेव्हा व्हायरस बदलतो तेव्हा फक्त धोका असतो, असं म्हणता येत नाही. कधीकधी ते खूप कमकुवत देखील होतात आणि त्याचा प्रभाव कमी होतो. नागरिकांनी कोणत्याही गोष्टीवर विश्वास न ठेवता लस घ्यावी.

3. शरिरात किती अँटीबॉडी असतात?

होय! शरीरातील अँटीबॉडी किती असतात त्याची पातळी ओळखली जाऊ शकते. जेव्हा लसीची चाचणी होते तेव्हा लस किती प्रमाणात अँटीबॉडी बनवते पाहिले जाते. मात्र याबाबत सामान्य व्यक्तींनी जाणून घेण्याची गरज नाही. आपल्या शरीरात विषाणूंविरोधात लढण्यासाठी अँटीबॉडीज तयार होत असतात.

4. लहान मुलांवर लसीची चाचणी कशी केली जाते?

मुलांना लस चाचणीसाठी आमंत्रित केले जाते. मात्र ते मूल निरोगी असावे, त्याला कोणतेही शारीरिक आजार असू नये. सर्वात महत्वाची गोष्ट म्हणजे मुलाच्या पालकांनी त्या बाबात सहमत असले पाहिजे. त्यांना लसीबाबात सर्व माहिती दिली जाते. ही लस मुलांना देण्यापूर्वी अनेक चाचण्यांमध्ये गेलेली असते. त्यामुळे लसीच्या सुरक्षिततेविषयी कोणतीही भीती बाळगण्याची गरज नाही.

बीएचआर पतसंस्था गैव्यवहारप्रकरणी 12 जणांना अटक, गिरीश महाजनांच्या निकटवर्तीयांचाही समावेशhttps://t.co/Ny62SHcMdg #BHR | #BhrScam |#arrest

— TV9 Marathi (@TV9Marathi) June 17, 2021