राज्य सरकारने एक सप्टेंबरपासून मंदिरं उघडावीत, आम्ही दोन तारखेला मशिदी उघडू, जलील यांचे अल्टिमेटम
मर्यादित संख्येने लोक लग्नासाठी एकत्र येऊ शकतात, तर केवळ धार्मिक स्थळे बंद का?" असा सवाल इम्तियाज जलील यांनी उपस्थित केला आहे.
मुंबई : राज्य सरकारने एक सप्टेंबरपासून मंदिरं उघडावीत, आम्ही दोन तारखेला सर्व मशिदी उघडू, असे अल्टिमेटम एमआयएम नेते इम्तियाज जलील यांनी दिले आहे. औरंगाबादचे खासदार असलेल्या इम्तियाज जलील यांनी ट्विटरवरुन ठाकरे सरकारला इशारा दिला. (AIMIM Aurangabad MP imtiaz jaleel gives ultimatum to Maharashtra govt to open all Mandir Masjids)
“जेव्हा व्यवसाय, कारखाने, बाजारपेठा उघडल्या जातात, आणि बस, ट्रेन तसेच विमानाची उड्डाणे सुरु होतात, तेव्हा कोरोना फक्त धार्मिक स्थळांवर पसरेल, असे सरकारला कोणी सांगितले? सरकारच्या उत्पन्नाचे साधन असलेल्या मद्यविक्रीची दुकानेही उघडली जातात आणि मर्यादित संख्येने लोक लग्नासाठी एकत्र येऊ शकतात, तर केवळ धार्मिक स्थळे बंद का?” असा सवाल इम्तियाज जलील यांनी उपस्थित केला आहे.
When businesses,factories, markets hve opened up n even buses,trains & flights r operating who told govt Corona will spread only from religious places!Govt’s revenue-earning liquor shops r also open & even limited people can gather for marriages so why shut only religious places!
— imtiaz jaleel (@imtiaz_jaleel) August 26, 2020
“आम्ही सर्व जण आपल्या वैद्यकीय पायाभूत सुविधा सुधारण्यासाठी सहा महिने थांबलो आणि सरकारला सहकार्यही केले. आता सर्व काही उघडलेले असताना फक्त धार्मिक स्थळे का बंद ठेवली जात आहे? अतार्किक. एक सप्टेंबरपासून सर्व मंदिरे उघडण्यासाठी महाराष्ट्र सरकारला माझा अल्टीमेटम आहे आणि आम्ही दोन सप्टेंबरपासून सर्व मशिदी उघडणार आहोत.” असे ट्वीट इम्तियाज जलील यांनी केले आहे. (AIMIM Aurangabad MP imtiaz jaleel gives ultimatum to Maharashtra govt to open all Mandir Masjids)
We all waited and cooperated with the govt for six months to improve our medical infrastructure n now that everything is open why keep shut only religious places! Illogical. My ultimatum to Maharashtra govt to open all Mandirs from sept 1 and we will open all masjids from sept 2!
— imtiaz jaleel (@imtiaz_jaleel) August 26, 2020
संबंधित बातमी :
औरंगाबादमध्ये दारुची दुकानं उघडल्यास महिलांसह रस्त्यावर उतरु, खासदार इम्तियाज जलील आक्रमक
(AIMIM Aurangabad MP imtiaz jaleel gives ultimatum to Maharashtra govt to open all Mandir Masjids)