बजेट मांडताना अजित पवारांकडून गडकरींचे कौतुक, फडणवीसांनी बाक वाजवला
केंद्रीय रस्ते निधीमधून राज्याला 1200 कोटी रुपये देण्याचं त्यांनी कबूल केलं आहे. त्याबद्दल मी नितीन गडकरी यांचं अभिनंदन करतो, असं अजित पवार म्हणाले Ajit Pawar Praises Nitin Gadkari during Budget
मुंबई : महाराष्ट्राचा अर्थसंकल्प मांडताना अर्थमंत्री अजित पवार यांनी भाजपचे दिग्गज नेते आणि केंद्रीय दळणवळण मंत्री नितीन गडकरी यांचे आभार मानत कौतुक केलं. आपल्या पक्षाच्या नेत्याचं अवचित झालेलं कौतुक ऐकून विरोधी पक्षनेते देवेंद्र फडणवीस यांच्यासह भाजप आमदारांनीही बाकं वाजवून स्वागत केलं. (Ajit Pawar Praises Nitin Gadkari during Budget)
मुख्यमंत्री उद्धव ठाकरे आणि केंद्रीय मंत्री नितीन गडकरी यांची गुरुवारी बैठक झाली. केंद्रीय रस्ते निधीमधून राज्याला 1200 कोटी रुपये देण्याचं त्यांनी कबूल केलं आहे. त्याबद्दल मी नितीन गडकरी यांचं अभिनंदन करतो. त्यांच्या या मदतीचा राज्याला निश्चितच फायदा होणार आहे, अशी प्रतिक्रिया अजित पवार यांनी व्यक्ती केली. कोकणचा विकास आमच्या सरकारसाठी प्राधान्यावर आहे, रस्त्यांच्या विकासाचं काम आम्ही करणार असल्याचं आश्वासनही अजित पवारांनी दिलं.
पुण्यातील रिंग रोडची संपूर्ण रक्कम राज्य सरकारने जमीन घेण्यासाठी खर्च करावी, रस्ते उभारणीचा खर्च केंद्र सरकार करेल, असं नितीन गडकरी यांनी सांगितल्याचं अजित पवार म्हणाले. याबद्दल मी नितीन गडकरी यांचं महाराष्ट्रातील जनतेच्या वतीने अभिनंदन आणि कौतुक करतो, असं अजित पवार म्हणाले. (Ajit Pawar Praises Nitin Gadkari during Budget)
नाशिक, औरंगबाद, हैदराबाद, बंगळुरु आणि मुंबई शहरातून येणारी वाहतूक पुणे शहराबाहेरुन वळवण्यासाठी 170 किलोमीटर लांबीचा रिंग रोड प्रस्तावित आहे. यासाठी भूसंपादनासह एकूण 15 हजार कोटी रुपये खर्च अपेक्षित आहे. यावर्षी भूसंपादन सुरु करुन येत्या चार वर्षांत हा रस्ता महाराष्ट्र राज्य रस्ते विकास महामंडळाच्या माध्यमातून पूर्ण करण्यात येईल, असंही अजित पवार यांनी स्पष्ट केलं.
सह्याद्री अतिथीगृहात पार पडलेल्या महाराष्ट्र राज्यातल्या प्रलंबित रस्ते महामार्गांच्या कामाबाबतच्या आढावा बैठकीत रस्ते वाहतूक व महामार्ग मंत्री @nitin_gadkari जी यांच्याशी प्रकल्प निधीसंदर्भात चर्चा झाली. यावेळी राज्याचे मुख्यमंत्री @OfficeofUT यांसह अन्य मान्यवर उपस्थित होते. pic.twitter.com/AspVdMXmms
— Ajit Pawar (@AjitPawarSpeaks) March 5, 2020
अर्थसंकल्पाशी संबंधित बातम्या :
ज्यासाठी अर्थसंकल्प मांडतात, तेच नव्हते, देवेंद्र फडणवीसांकडून अर्थसंकल्पाची ‘सोप्या भाषेत’ चिरफाड
Stamp Duty Decreased | मुद्रांक शुल्कात 1 टक्का सवलत, गृह खरेदीदारांना दिलासा
BUDGET 2020 : आमदारांच्या निधीत एक कोटींची वाढ, बाकं वाजवून अजित पवारांच्या निर्णयाचे स्वागत
Budget 2020 : वाहनचालकांच्या खिशाला कात्री, पेट्रोल-डिझेल एक रुपयाने महाग
Maharashtra Budget 2020 : अर्थसंकल्पात महिलांसाठी मोठी घोषणा, प्रत्येक जिल्ह्यात महिला पोलीस स्टेशन
Ajit Pawar Praises Nitin Gadkari during Budget
