राज्यात कोरोनाबाधितांचा आकडा 800 च्या जवळ, मुंबई 500 च्या उंबरठ्यावर

मुंबई : राज्यात कोरोनाबाधितांचा आकडा दिवसेंदिवस वाढत चालला (Corona Patient In Maharashtra) आहे. आज (6 एप्रिल) मुंबई, कल्याण-डोंबिवली, कोल्हापूर, सांगली या ठिकाणी नवी कोरोनाग्रस्त रुग्ण आढळले आहेत. राज्यात आज 48 रुग्ण आढळले असून यात 40 रुग्ण हे मुंबईचे आहेत. त्यामुळे राज्यातील कोरोनाबाधित रुग्णांची संख्या 796 वर पोहोचली आहे.

मुंबईत कोरोनाबाधितांचा आकडा हा 498 झाला (Corona Patient In Maharashtra) आहे. मुंबईसह उपनगरात आज (6 एप्रिल) दिवसभरात अंधेरी, मुंबई सेंट्रल, दादर या परिसरात कोरोनाग्रस्त रुग्ण आढळले. यात दादरमध्ये एका 54 वर्षीय महिलेला कोरोनाची लागण झाली आहे. या महिलेला हिंदुजा रुग्णालयात उपचारासाठी दाखल करण्यात आलं आहे. तर वॉकहार्ट रुग्णालयातील 26 नर्स आणि 3 डॉक्टरांना कोरोनाची लागण झाली आहे. त्याशिवाय अंधेरीतील एका कुटुंबातील 10 जण पॉझिटिव्ह आढळले आहेत.

दिवसभरात कुठे किती कोरोना रुग्ण?

• मुंबई – 40
• कल्याण-डोंबिवली – 6
• जालना – 1
• कोल्हापूर – 1
• सांगली – 1

तसेच कल्याण डोंबिवलीत कोरोनाचे 6 नवे रुग्ण आढळले आहेत. यात डोंबिवलीत 4 आणि कल्याणमध्ये 2 रुग्ण आढळले आहेत. तर आतापर्यंत 6 जणांना डिस्चार्ज दिला आहे.

तर जालन्यात कोरोनाने शिरकाव केला आहे. जालना शहरातील दुःखीनगर भागात एका 65 वर्षीय महिलेचा रिपोर्ट कोरोना पॉझिटिव्ह आला आहे.

कोल्हापुरात आणखी एक व्यक्तीचा रिपोर्ट कोरोना पॉझिटिव्ह आला आहे. कोल्हापूर शहरातील एका महिलेला कोरोनाची लागण झाली आहे. त्यामुळे कोल्हापुरातील कोरोनाबाधितांची संख्या ही 3 वर पोहोचली आहे. तर दुसरीकडे सांगलीमध्येही एका महिलेचा रिपोर्ट कोरोना पॉझिटिव्ह आला (Corona Patient In Maharashtra) आहे.

ताजी आकडेवारी इथे पाहा