नागपुरात COVID 19 अॅपची निर्मिती, लक्षणं असणाऱ्यांनीच वापरा, तुकाराम मुंढेंच्या सूचना

नागपूर : महाराष्ट्रात कोरोनाचा विळखा दिवसेंदिवस वाढत (COVID- 19 App Nagpur) असून राज्यात कोरोनाबाधित रुग्णांचा आकडा तब्बल 147 वर पोहोचला आहे. नागपूरमध्ये आतापर्यंत 9 जणांना कोरोनाची लागण झाली आहे. त्याच पार्श्वभूमीवर नागपूर महानगरपालिकेने COVID- 19 अँपची निर्मिती केली आहे. यात ज्या नागरिकांना ताप, कोरडा खोकला, श्वास घेण्यास त्रास होत असेल, त्यांनी यावर माहिती देण्याचे आवाहन केले आहे.

नागपूरचे पालिका आयुक्त तुकाराम मुंढे यांच्या (COVID- 19 App Nagpur) नेतृत्वात या अॅपची निर्मिती करण्यात आली. https://drive.google.com/file/d/1abB97jEnkrzvIzcOY0eebr_wcQ8tT_sJ/view?usp=drivesdk ही या अॅपची लिंक आहे.

यावेळी ज्या नागरिकांना ताप, कोरडा खोकला व श्वास घेण्यास त्रास होत असेल त्यांनी खालील दिलेल्या लिंक वर क्लिक करुन सदर अँप डाऊनलोड करावा, असे आवाहन तुकाराम मुंढेंनी केले आहे.

हे अॅप डाऊनलोड केल्यानंतर त्यात नागरिकांनी स्वत: च्या आजाराविषयी माहिती भरावी. त्यानंतर सबमिट बटणावर क्लिक करावे. या माहितीच्या आधारे कोविड-19 ची लक्षणे असल्यास मनपाच्या डॉक्टरांना कळेल. त्यानंतर मनपाचे डॉक्टर आपल्याशी संपर्क करुन पुढील कार्यवाही करतील.

हे अॅप फक्त कोविड-19 चे लक्षणे जसे ताप, कोरडा खोकला आणि श्वास घेण्यास त्रास असणाऱ्या नागरिकांसाठी आहे. इतरांनी या अॅपचा वापर करु नये असा इशाराही देण्यात आला आहे.

Lockdown : चिमुकल्याला कडेवर उचलून ‘हिरकणी’चा प्रवास, बाळाच्या उपचारासाठी आईची 30 किमी पायपीटhttps://t.co/TmxOPtB0XQ

— TV9 Marathi (@TV9Marathi) March 27, 2020

महाराष्ट्रात कुठे किती कोरोनाबाधित रुग्ण?

कोरोनाचे कुठे किती रुग्ण?

मुंबई – 51 पुणे – 20 पिंपरी चिंचवड – 12 सांगली – 23 नागपूर – 9 कल्याण – 5 ठाणे – 5 नवी मुंबई – 5 यवतमाळ – 4 अहमदनगर – 3 सातारा – 2 कोल्हापूर – 1 गोंदिया – 1 पनवेल – 1 उल्हासनगर – 1 वसई विरार – 1 औरंगाबाद – 1 सिंधुदुर्ग – 1 रत्नागिरी – 1

एकूण 147

संबंधित बातम्या : 

Corona | पुढील तीन महिने EMI ला स्थगिती द्या, RBI च्या सल्ल्याचे तुमच्यावर काय परिणाम?

नाकं मुरडणाऱ्या डॉक्टरांना आरोग्यमंत्र्यांचा डोस, भीतीपोटी काम न थांबवण्याचा सल्ला

अजित पवारांना एक फोन आणि युवासेना पदाधिकाऱ्याचं काम फत्ते