CORONA | रेमडेसीवीर इंजेक्शनला ICMR ची परवानगी, 30 जूननंतर प्रत्येक जिल्ह्यात उपलब्ध होणार : आरोग्यमंत्री

येत्या 30 जूननंतर रेमडेसीवीर इंजेक्शन प्रत्येक जिल्ह्यात उपलब्ध करुन दिले जाणार आहे, अशी माहिती राजेश टोपे यांनी (Rajesh Tope On Remdesivir Injection) दिली.

Namrata Patil | Updated on: Jun 21, 2020 | 9:30 PM

जालना : कोरोनावर Remdesivir हे इंजेक्शन प्रभावी मानलं जातं. रेमडेसीवीर इंजेक्शनला भारतीय वैद्यकीय संशोधन संस्था (ICMR – Indian Council of Medical Research) ने परवानगी दिली आहे. येत्या 30 जूननंतर रेमडेसीवीर इंजेक्शन प्रत्येक जिल्ह्यात उपलब्ध करुन दिले जाणार आहे, अशी माहिती आरोग्यमंत्री राजेश टोपे यांनी दिली. (Rajesh Tope On Remdesivir Injection Covid 19)

“रेमडेसीवीर इंजेक्शनला भारतीय वैद्यकीय संशोधन संस्था (ICMR – Indian Council of Medical Research) ने परवानगी दिली आहे. CIPLA ही औषध कंपनी हे तयार करत आहे. येत्या 30 जूननंतर रेमडेसीवीर इंजेक्शन प्रत्येक जिल्ह्यात उपलब्ध करुन दिले जाणार आहे. तसेच बांगलादेशपेक्षा फार स्वस्त दराने हे उपलब्ध होईल. त्यामुळे हे सर्वसामान्यापर्यंत पोहोचवता येईल,” अशी माहिती राजेश टोपे यांनी दिली.

“नवी मुंबईतील ग्लेनमार्क फार्मास्युटिकल्सने कोविड 19 च्या सौम्य लक्षण असणाऱ्यांसाठी फेविपिरावीरला फैबि फ्लू औषध शोधल्याचा दावा केला आहे. फेविपिरावीरला हे एक अँटी व्हायरल ड्रग आहे. कोरोना झाल्यानंतर लगेच चौथ्या किंवा पाचव्या दिवशी हे रुग्णाला दिलं जातं,” अशी माहिती आरोग्यमंत्री यांनी दिली.

“कोरोना रुग्णांच्या उपचारासाठी रेमडेसीवीर आणि फेविपिरावीर हे दोन्ही ड्रग्स एका ठराविक दरात उपलब्ध करुन देऊ, अशी विनंती केंद्र सरकारकडे करणार आहे. तसेच गरज पडल्यास राज्य शासन खरेदी करुन त्याचा वापर करेल,” असेही राजेश टोपेंनी सांगितलं. (Rajesh Tope On Remdesivir Injection Covid 19)

काय आहे रेमडेसीवीर इंजेक्शन?

कोरोनावर प्रभावी मानलं जाणारं इंजेक्शन
WHO ने शिफारस केलेलं रेमडेसीवीर इंजेक्शन
एका इंजेक्शनची किंमत अंदाजे 12 हजार रुपये
महाराष्ट्र खरेदी करणार 10 हजार इंजेक्शन
तीन अन्य औषधांसोबत उपचारात वापर
मुळात MERS- CoV, SARS वर प्रभावी
हे दोन्ही आजारही विषाणूंमुळे होतात
अमेरिकेतील गिलीड सायन्स इंकचं उत्पादन
बांग्लादेशातील इस्केएफकडे उत्पादन परवाना
बांग्लादेशातील इस्केएफ फार्माचा प्रस्ताव
भारतीय कंपन्यांनीही बनवलीत तशीच इंजेक्शनं
अद्यापि औषध नियंत्रकांकडून मान्यता मिळालेली नाही

नवदाम्पत्याकडून कोव्हिड सेंटरला 50 बेड, लग्नाचा अनावश्यक खर्च टाळत रुग्ण सेवेसाठी मदतhttps://t.co/fnMy1tSYMP #coronavirus

— TV9 Marathi (@TV9Marathi) June 21, 2020