Kolhapur Lockdown | जिल्हाधिकाऱ्यांचे फेरआदेश, कोल्हापूरमध्ये लॉकडाऊनच्या नियमात बदल

लॉकडाऊन दरम्यान कोल्हापुरात फक्त औषध आणि दूध पुरवठाच सुरु राहील, इतर सर्व सेवा शंभर टक्के बंद राहणार आहेत.

Kolhapur Lockdown | जिल्हाधिकाऱ्यांचे फेरआदेश, कोल्हापूरमध्ये लॉकडाऊनच्या नियमात बदल

कोल्हापूर : कोल्हापूर जिल्ह्यात उद्यापासून (सोमवार 20 जुलै) सात दिवस कडक लॉकडाऊन घोषित करण्यात आला आहे. मात्र जिल्हाधिकारी दौलत देसाई यांनी फेर आदेश काढत जिल्ह्यातील लॉकडाऊनच्या नियमात काही बदल केले आहेत. (Kolhapur Lockdown Guidelines and Rules Changed)

कोल्हापूर जिल्ह्यात पुढील सोमवार ते रविवार असे सात दिवस कडक लॉकडाऊन आहे. मात्र जिल्हाधिकारी दौलत देसाई यांनी काढलेल्या नवीन आदेशानुसार ग्रामीण भागातील एमआयडीसी, सहकारी आणि खाजगी आस्थापनामध्ये 50 टक्के कर्मचारी उपस्थित ठेवायला परवानगी देण्यात आली आहे. बँकेची मुख्य कार्यालयेही सुरु राहणार आहेत. तर दूध संकलन आणि विक्री पूर्वीप्रमाणेच सुरु राहणार आहे.

Mahafast 100 | बुलेटच्या वेगाने 100 बातम्या, ‘महाफास्ट’ रोज रात्री 7.56 वा. टीव्ही 9 मराठीवर 

कोल्हापूरचे पालकमंत्री सतेज पाटील यांनी दोन दिवसांपूर्वी जिल्ह्यात लॉकडाऊनची घोषणा केली होती. राज्यात कोरोनाच्या वाढत्या प्रादुर्भावाच्या पार्श्वभूमीवर ठाणे, पुणे-पिंपरी, पनवेल, रायगड, सोलापूरसह काही जिल्ह्यांमध्ये लॉकडाऊनची घोषणा करण्यात आली आहे.

लॉकडाऊन दरम्यान कोल्हापुरात फक्त औषध आणि दूध पुरवठाच सुरु राहील, इतर सर्व सेवा शंभर टक्के बंद राहणार आहेत.

कोल्हापूरमध्ये लॉकडाऊनपूर्वीची गटारी

कोल्हापूरमध्ये मटण मार्केटसह ठिकठिकाणच्या मटण दुकानाबाहेर ग्राहकांच्या रांगा लागल्या. आधीच गटारी, त्यात उद्यापासून पुढचे सात दिवस जिल्हा लॉकडाऊन असल्याने गर्दीत वाढ दिसली. (Kolhapur Lockdown Guidelines and Rules Changed)

सतेज पाटील यांचे आवाहन

“कोल्हापूर शहरासह संपूर्ण जिल्ह्यामध्ये दिवसेंदिवस कोरोनाचे नवे रुग्ण आढळत असल्याने थोडीशी चिंता वाढली आहे. या संकटावर लवकरात लवकर मात करण्यासाठी प्रशासन सर्वतोपरी प्रयत्नशील आहे. परंतु, जिल्ह्यातील सर्व नागरिकांनी आपली जबाबदारी ओळखून खबरदारी घेणे गरजेचे आहे. सोशल डिस्टसिंगचे नियम योग्य पद्धतीने आणि काटेकोरपणे पाळणे अत्यंत आवश्यक आहे. सर्वजण प्रयत्न करुया, कोरोना संकटाचा मुकाबला करुया”, असं आवाहन पालकमंत्री सतेज पाटील यांनी कोल्हापूरकरांना केलं आहे.

संबंधित बातम्या :

Raigad Lockdown | रायगडमध्ये दहा दिवसांचा लॉकडाऊन, अदिती तटकरे यांची घोषणा

Pune Lockdown Rules | पुण्यात लॉकडाऊनची नियमावली जाहीर, काय सुरु काय बंद?

(Kolhapur Lockdown Guidelines and Rules Changed)

Published On - 7:11 pm, Sun, 19 July 20

Click on your DTH Provider to Add TV9 MARATHI