Pune Lockdown: पुण्यात लॉकडाऊनमध्ये शिथिलता, दुकानं सुरु ठेवण्याच्या वेळेत बदल
कोरोनाच्या पार्श्वभूमीवर पुण्यातील लॉकडाऊनचे निर्बंध आजपासून (19 जुलै) काही प्रमाणात शिथिल होत आहेत (Pune lockdown restriction changes).
पुणे : कोरोनाच्या पार्श्वभूमीवर पुण्यात पुन्हा एकदा लागू करण्यात आलेला लॉकडाऊनचे निर्बंध आजपासून (19 जुलै) काही प्रमाणात शिथिल होत आहेत (Pune lockdown restriction changes). याप्रमाणे नागरिकांना आजपासून जीवनाश्यक वस्तू खरेदीला अधिक सूट मिळणार आहे. दुकानं सुरु करण्याच्या वेळेतही बदल करत आज सकाळी 8 ते संध्याकाळी 6 पर्यंत दुकानं खुली राहणार आहेत. मात्र सोमवारपासून दुकानांसाठी सकाळी 8 ते 12 पर्यंतचीच वेळ असणार आहे.
उपमुख्यमंत्री अजित पवार यांनी स्वतः हस्तक्षेप करत पुण्यातील कोरोना रुग्णांच्या वाढत्या संख्येवर नियंत्रण आणण्यासाठी पुण्यात लॉकडाऊनची घोषणा केली. हा लॉकडाऊन 23 जुलैपर्यंत लागू असणार आहे. या दरम्यान, दारु दुकानं पूर्णपणे बंद राहणार आहेत. राज्य उत्पादन शुल्क विभागाने याबाबत माहिती दिली आहे. प्रशासनाने घालून दिलेल्या नियमांचे पालन करुन लॉकडाऊनमध्ये शिथिलता देण्यात येत आहे.
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
पुणे महानगरपालिकेचे नवनियुक्त आयुक्त विक्रम कुमार यांनी पुण्यातील उपाययोजनांचीही माहिती दिली. 13 जुलै रोजी मध्यरात्रीपासून सुरु झालेल्या लॉकडाऊनचा शनिवारी (18 जुलै) पहिला टप्पा संपला. 23 जुलैच्या मध्यरात्रीपर्यंत 10 दिवसांचा लॉकडाऊन आहे. आज 10 दिवसांच्या लॉकडाऊनमध्ये शिथिलता मिळाल्यानंतर सकाळपासून जीवनावश्यक दुकानांच्या बाहेर नागरिकांच्या रांगा लागल्या. विशेष म्हणजे आज गटारी असल्यामुळे मटण, चिकन दुकानांच्या बाहेरही नागरिकांनी मोठी गर्दी केल्याचं पाहायला मिळालं. 21 जुलैपासून श्रावण महिना सुरु होत असल्याने आज मटण चिकन विक्री मोठ्या प्रमाणात होत आहे.
मागील 5 दिवसांपासून शहरातील मटण-चिकनची दुकानं बंद होती. शहरातील सर्व मटण-चिकन दुकानांबाहेर रांगा लागल्या आहेत. प्रशासनाने घालून दिलेल्या नियमांचं पालन करुन मटण चिकनची विक्री केली जात असल्याचं मत संबंधित दुकानदारांनी व्यक्त केलं आहे.
हेही वाचा :
Corona Update | राज्यात तीन दिवसात 25 हजारांपेक्षा जास्त नवे रुग्ण, बाधितांचा आकडा 3 लाखांच्या पार
Corona Vaccine | कोरोनाच्या लसीचा फॉर्म्युला चोरण्यासाठी हॅकिंग, रिसर्च लॅब अलर्टवर
Mumbai Corona | आधी धारावी आता संपूर्ण मुंबईत कोरोना नियंत्रणात, पालिकेच्या 15 टिप्स!
Pune lockdown restriction changes
