Sensex down : शेअर बाजारात घसरणीचं सत्र थांबेना, सेन्सेक्स 1100 अंकांनी गडगडला; निफ्टी डाउन

नवी दिल्ली : शेअर बाजारातील (SHARE MARKET) घसरणीचं सत्र अद्यापही कायम आहे. जागतिक अर्थपटलावरील घडामोडींमुळे सलग 5 व्या दिवशी शेअर बाजार घसरणीसह बंद झाला. शेअर बाजारात आज (गुरुवार)सेन्सेक्समध्ये 1100 अंकांच्या घसरण नोंदविली गेली. निफ्टी 16 हजार अंकांच्या टप्प्यावर बंद झाला. शेअर बाजारात गुंतवणुकदारांचे तब्बल 5.5 लाख कोटी रुपयांचे नुकसान झाले आहे. शेअर बाजारात 5 मे पासून सलग घसरणीचं सत्र दिसून येत आहे. केवळ 4 एप्रिलचा अपवाद वगळता 28 एप्रिल पासून शेअर बाजारात घसरणीचं सत्र कायम आहे. आजच्या व्यवहारादरम्यान प्रमुख निर्देशांक (MAJOR INDICES) 2 टक्क्यांहून अधिक घरसणीसह बंद झाले. काल (बुधवारी) सेन्सेक्स 1158 अंकांच्या घसरणीसह 52930 अंकावर आणि निफ्टी 359 अंकांच्या घसरणीसह 15808 टप्प्यावर बंद झाला. शेअर बाजारात चौफेर विक्रीच वातावरण होतं. सर्वाधिक नुकसान सरकारी बँका (BANK SECTOR) आणि मेटल सेक्टरचं दिसून आलं.

बाजार अस्थिर, गुंतवणुकदारांत चलबिचल

शेअर बाजारातील घसरणीला एकाधिक कारणे कारणीभूत ठरली आहेत. अमेरिकेतील महागाईची आकडेवारी समोर आली आहे. त्यामुळे महागाईचा आलेख उंचावण्याची धास्ती गुंतवणुकदारांमध्ये आहे. त्यामुळे जागतिक अर्थपटलावर घसरण नोंदविली गेली. तसेच फेडरल रिझर्व्हने व्याजदरात वाढीचं संकेत दिले आहेत. परकीय गुंतवणुकदारांनी शेअर बाजारातून पैशाचा ओघ सुरुच ठेवला आहे. आगामी काळात बाजारात अस्थिरतेचं चित्र कायम राहिल्यास गुंतवणुकदारांचा बाजारातून पैशांचा ओघ वाढू शकतो.

बँकिंग ते मेटल घसरणीचं सत्र

आजच्या व्यवहाराची सुरुवात घसरणीनं झाली आणि व्यवहाराच्या अखेरीपर्यंत घसरणीचं चित्र कायम राहिलं. विप्रो वगळता अन्य स्टॉक्स घसरणीसह बंद झाले. सेन्सेक्स मध्ये समाविष्ट 9 स्टॉक 3 टक्क्यांहून अधिक घसरणीसह बंद झाले. इंड्सइंड बँक 5.82 टक्के, टाटा स्टील 4.13 टक्के, बजाज फायनान्स 3.76 टक्के घसरणीसह बंद झाले. बँकिंग निर्देशांकात देखील घसरण नोंदविली गेली.

हे सुद्धा वाचा

Stock Market Update: शेअर बाजार कोसळला! सेन्सेक्समध्ये 800 तर निफ्टीमध्ये 200 पेक्षा अधिक अंकांची घसरण

Share Market Updates : शेअर बाजार सुरू होताच सेंसेक्स वधारला, मात्र गुंतवणूकदारांमध्ये धाकधूक कायम

Sri Lanka financial crisis : श्रीलंकेचा पाय आणखी खोलात; शेअर बाजार बंद ठेवण्याचा निर्णय

Stock Market Holidays: दिवाळीनिमित्त या आठवड्यात दोन दिवस शेअर बाजार बंद, वाचा मुहूर्त ट्रेडिंगबद्दल सविस्तर!

‘रेपो’चं मळभ हटेना

शेअर बाजारात चौफेर घसरण नोंदविली गेली. सरकारी बँक निर्देशांकात मोठा तोटा सहन करावा लागला आहे. रिझर्व्ह बँकेने रेपो दर फेररचने संबंधित केलेल्या घोषणेमुळे बाजारात घसरण दिसून आली. प्रमुख स्टॉक्समध्ये शेअर विक्रीचे सत्र दिसून आलं. रिझर्व्ह बँकेने बुधवारी रेपो दरात 0.4 टक्के वाढीची घोषणा केली आहे. रिझर्व्ह बँकेची फेररचनेचा सर्वांना अनेपक्षित धक्काच होता. एप्रिल नंतर जून महिन्यात फेररचनेचा आढावा घेतला जाणार होता. मात्र, तत्पपूर्वीच रिझर्व्ह बँकेने घोषणा केली आहे.