पुण्यात ट्रक चालकाने पाच जणांना चिरडलं, तिघांचा मृत्यू

पुणे : पुण्यात मद्यपी ट्रक चालकाने (Truck Driver) पाच जणांना चिरडलं आहे. ही घटना आज (10 सप्टेंबर) रात्री 9 च्या दरम्यान मुळशी तालुक्यातील लवळे फाटा येथे घडली. या भीषण अपघातात (Accident) तीन जणांचा जागीच मृत्यू झाला आहे. तर दोनजण जखमी आहेत. जखमींना तातडीने जवळच्या रुग्णालयात हलवण्यात आले आहे.

पिरांगुट घाट उतारावर या भरधाव ट्रकने वाहनांना धडक दिली. या धडकेत तिघांचा जागीच मृत्यू झाला आहे. ट्रक चालक (Truck Driver) दारु पिऊन गाडी चालवत असल्याचे समोर आलं आहे. हा चालक अपघात स्थळावरुन पळून जात असताना त्याला पोलिसांनी पकडले आहे.

Maharashtra: Three killed and two injured after a truck rammed into several vehicles and pedestrians in Lavale Phata, near Pune. Injured persons moved to a nearby hospital. pic.twitter.com/HEUGd5lyI1

— ANI (@ANI) September 10, 2019

या घटनेत मृत झालेल्यांची नावं अद्याप समजू शकलेली नसून त्यांना पौड येथील ग्रामीण रुग्णालयात आणण्यात आलं आहे. तर जखमींना पिरांगुट येथील खाजगी रुग्णालयात दाखल करण्यात आले आहे.

दरम्यान, या अपघातामुळे पिरंगुट मार्गावर मोठ्या प्रमाणात वाहतूक कोंडी झाली होती.