ओवा व बडिशेपचे पाणी घ्या आणि कमी करा प्रेग्नेंसी फॅट, वाचा नेमकी काय आहे रेसिपी

मुंबई : गर्भधारणेदरम्यान शरीरात अनेक हार्मोनल बदल होतात, ज्यामुळे स्त्रीचे वजन लक्षणीय वाढते. त्याच वेळी, प्रसूतीनंतर, स्त्री बाळाच्या काळजीत इतकी अडकली की, ती स्वत:कडे नीट लक्ष देऊ शकत नाही. यामुळे, वाढलेले वजन कमी करण्यासाठी पुरेसा वेळच मिळत नाही. आपणासही अशी समस्या असल्यास, आज आम्ही तुम्हाला काही उपाय सांगणार आहोत ज्यामुळे तुमचे प्रेग्नेंसी फॅट कमी होण्यास मदत होईल. (Drink ova and saunf water and reduce pregnancy fat)

हे पाणी बनवण्यासाठी 8-10 ग्लास पाणी, तीन चिमूटभर बडीशेप, दोन चिमूटभर ओवा आणि एक मोठी काळी वेलची घ्या. हे साहित्य तुम्हाला घरात वा बाजारात कुठेही मिळेल. एक पॅन घ्या आणि त्यात पाणी उकळवायला ठेवा. आता यात बडीशेप, वेलची आणि ओवा टाका. हे पाणी थोडं थंड झालं की गाळणीने गाळून घ्या. जेव्हा कधी तहान लागेल तेव्हा तिने हे पाणी प्यावे. हे पाणी खरंच स्त्रीच्या शरीरासाठी चांगले असून बेली फॅट अर्थात पोटाची चरबी कमी करतात.

ओव्याचे पाणी पोट कमी करण्यासाठी खूप उपयुक्त आहे. एका ग्लास पाण्यात एक मोठा चमचा ओवा घालून ते पाणी उकळा. नंतर ते पाणी कोमट करून प्या. आपण इच्छित असल्यास, ते एकाचवेळी मोठ्या प्रमाणात तयार करू शकता आणि ते एका भांड्यात ठेवू शकता. त्यानंतर, आपण दिवसभरात कधीही हे पाणी पिऊ शकता असे केल्याने, लवकरच आपल्याला चांगले परिणाम दिसतील. जर, आपण दिवसभर हे पाणी पिऊ शकत नसाल, तर किमान सकाळी रिक्त पोटी आणि जेवणानंतर नक्की प्या.

जर तुमची डिलिव्हरी नॉर्मल असेल, तर बदाम आणि मनुकेसुद्धा तुमच्यासाठी फायदेशीर आहेत. यासाठी 10 बदाम आणि 10 मनुके घ्या. मनुक्यामधील बिया काढा. दोन्ही गोष्टी एकत्र मिसळून त्याची बारीक पेस्ट तयार करा. ही पेस्ट एक कप कोमट दुधात मिसळून प्या. यामुळे काही दिवसांतच चरबी कमी होण्यास सुरुवात होईल. शक्य असल्यास दररोज दुधीचा रस प्या. यामुळे आपल्याला पोषण देखील मिळेल आणि चरबी देखील कमी होईल. सलाड म्हणून तुम्ही कच्चा दुधी खाऊ शकता.

संबंधित बातम्या : 

Fitness Tips | वजन कमी करायचंय? ‘हा’ डाएट प्लॅन फॉलो करा नि लठ्ठपणापासून सुटका मिळवा!https://t.co/0poynwll2i#WeightLoss #Diet #Food

— TV9 Marathi (@TV9Marathi) December 23, 2020

(Drink ova and saunf water and reduce pregnancy fat)