उन्हाळ्यात हवी असेल टवटवीत त्वचा तर फॉलो करा ‘हे’ स्किन केअर रुटीन

नवी दिल्ली : हवामानात बदल होत असताना आपल्या आरोग्यासोबतच त्वचेचीही (skin care) विशेष काळजी घ्यावी लागते. या दरम्यान, स्किनकेअर रुटीनमध्ये बदल करणे देखील आवश्यक आहे. त्वचेचे रुटीन (skin care routine) बदलल्याने त्वचा निरोगी ठेवण्यास मदत होते. त्याच्या मदतीने तुम्ही पिंपल्स, डाग आणि टॅनिंग (tanning) यासारख्या त्वचेशी संबंधित समस्यांपासून स्वतःला वाचवू शकता. यामुळे तुमची त्वचा हायड्रेट राहते. याचे पालन करून तुम्ही त्वचेला हानिकारक अतिनील किरणांपासून वाचवू शकता. तसेच त्वचा चमकदार आणि निरोगी राहण्यास मदत होईल. वसंत ऋतूमध्ये त्वचेसाठी तुम्ही कोणत्या प्रकारचे स्किन रूटीन फॉलो करू शकता ते जाणून घेऊया.

मॉयश्चरायजर

तुमची त्वचा हायड्रेटेड ठेवण्यासाठी मॉयश्चरायजरचा अवश्य वापर करावा. ऋतूनुसार त्वचेसाठी मॉयश्चरायजर निवडा. तेलकट त्वचा असलेले लोक जेल-आधारित मॉयश्चरायजर वापरू शकतात.

एक्सफोलिएट करा

धूळ आणि प्रदूषणामुळे आपल्या त्वचेवर टॅन जमा होते. अशा परिस्थितीत त्वचेला एक्सफोलिएट करणं खूप गरजेचं आहे. तुमची त्वचा एक्सफोलिएट करण्यासाठी तुम्ही होममेड मॉयश्चरायजर देखील वापरू शकता. हे तुमच्या त्वचेची छिद्र खोलवर स्वच्छ करण्यास मदत करते. यामुळे छिद्रे उघडतात. त्वचा हायड्रेटेड राहते. मात्र यासाठी केवळ बाजारात मिळणारी केमिकलयुक्त उत्पादने वापरण्याची गरज नाही. तुम्ही घरच्या घरी काही स्क्रब तयार करूनही त्वचेसाठी वापरू शकता.

सनस्क्रीन

सूर्याची हानिकारक अतिनील किरणे आपल्या त्वचेला हानी पोहोचवण्याचे काम करतात. अशा परिस्थितीत त्वचेसाठी सनस्क्रीन वापरणे महत्त्वाचे आहे. उन्हाळा असो किंवा पावसाळा अथवा हिवाळा, प्रत्येक ऋतूमध्ये सनस्क्रीन वापरणे अत्यावश्यक आहे. उन्हाळ्याच्या दिवसात सूर्याच्या प्रखर किरणांपासून बचाव करण्यासाठी घराबाहेर पडताना किंवा घरातही अंघोळीनंतर योग्य सनस्क्रीन लावणे महत्वाचे ठरते. यामुळे आपली त्वचा टॅन होण्यापासून वाचवण्यास मदत होते.

हलकी सौंदर्य उत्पादने (light for skin) 

वसंत ऋतूमध्ये त्वचेसाठी हलकी सौंदर्य उत्पादने वापरा. यामुळे त्वचा फ्रेश दिसते. जड ब्युटी प्रोडक्ट्स वापरल्याने तुमच्या त्वचेची छिद्रे बंद होतात. त्वचा हायड्रेट ठेवण्यासाठी हलक्या सौंदर्य उत्पादनांचा वापर करावा.

फेस पॅक

उन्हाळ्यात त्वचा हायड्रेटेड ठेवण्यासाठी तुम्ही फेस पॅक देखील वापरू शकता. तुम्ही घरच्या घरी काही फेस पॅक तयार करून वापरू शकता. मुलतानी माती, बेसन आणि चंदन इत्यादी घटक इतर घटकांसह मिक्स करून घरगुती फेस पॅक बनवू शकता. यामुळे त्वचेची छिद्र उघडण्यास मदत होते व ती स्वच्छ राहतात. यामुळे मुरुम आणि त्वचेशी संबंधित समस्यांचा त्रास कमी होतो.