केसांची गळती थांबवायची असेल तर घ्या हा आहार !

सध्या केस गळण्याची समस्या ही चिंतेची बाब आहे. पावसाळा आणि थंडीच्या ऋतूत केस गळणे ही सर्वात सामान्य समस्या आहे. अशावेळी लोक अनेक प्रकारचे शॅम्पू आणि तेल वापरू लागतात. परंतु, असे असूनही त्यापासून सुटका होत नाही. याचे सर्वात मोठे कारण म्हणजे शरीरातील पोषक तत्वांची कमतरता. पण याकडे आपले लक्ष जात नाही. अनेकदा योग्य पोषण न मिळाल्याने आपले केस तुटू लागतात. जर तुमचे केस ही खूप तुटत असतील किंवा गळत असतील तर तुम्ही या गोष्टींचा आहारात समावेश करणं गरजेचं आहे.

1. ड्रायफ्रूट्स

आपण आपल्या नियमित आहारात शेंगदाणे आणि सीड्सचा समावेश केला पाहिजे. या ड्रायफ्रुट्समध्ये ओमेगा-1, फॅटी अॅसिड, सेलेनियम, व्हिटॅमिन ई इत्यादी पोषक घटक मोठ्या प्रमाणात असतात. हे केसांना आतून पोषण देते आणि त्यांना तुटण्यापासून वाचवतात.

2. अंडी

अंड्यात मोठ्या प्रमाणात प्रथिने असतात. जे केसांच्या वाढीसाठी खूप चांगले मानले जाते. यासोबतच यामध्ये मल्टीव्हिटॅमिन देखील आढळतात, जे कमकुवत केसांना मजबूत करण्यास मदत करतात.

3. हिरव्या पालेभाज्या

हिरव्या पालेभाज्यांमध्ये अनेक खनिजे आणि जीवनसत्त्वे आढळतात. ज्यामुळे शरीरातील लोहाची कमतरता पूर्ण होते. पालक, कोबी इत्यादी भाज्यांमध्ये व्हिटॅमिन ए, लोह, बीटा कॅरोटीन, फोलेट आणि व्हिटॅमिन सी इत्यादी भरपूर प्रमाणात असतात. यामुळे केस निरोगी तसेच सुंदर होण्यास मदत होते. हे केसांमध्ये सीबमचे प्रमाण वाढवून केसांची ताकद वाढवण्यास मदत करते.

4. फळे

केस मजबूत आणि रेशमी ठेवण्याची प्रत्येकाची इच्छा असते. अशा वेळी आपण आपल्या आहारात फळांचा समावेश केलाच पाहिजे. फळांमध्ये मोठ्या प्रमाणात अँटी ऑक्सिडंट्स असतात जे त्वचा आणि केसांसाठी खूप फायदेशीर असतात. हे केसांना मुळापासून मजबूत करून तुटण्यापासून वाचवतात.