अबब, तब्बल 6,750 किलोची खिचडी तयार होणार, अनोखा जागतिक विक्रम येथे होणार

निलेश डाहाट, टीव्ही 9 मराठी, प्रतिनिधी, चंद्रपूर | 5 जानेवारी 2023 : चांगल्या आरोग्यासाठी भरपूर पोषक तत्वे असलेले मिलेट्स म्हणजेच भरड धान्याचे महत्व अनोखे आहे. पंतप्रधान नरेंद्र मोदी यांनी साल 2023 हे वर्ष ‘मिलेट्स वर्ष’ ( millets year ) जाहीर केले आहे. या मिलेट्स पासून अनोखी खिचडी तयार केली जाणार आहे. चंद्रपुर शहरात आयोजित चांदा अॅग्रो 2024 मध्ये उद्या प्रसिध्द शेफ विष्णू मनोहर हे ऊर्जा देणारी भरड धान्याची तब्बल 6,750 किलोची खिचडी तयार करणार आहेत. या आधीचा विक्रम एप्रिल 2022 मध्ये भगरीपासून 6,000 किलोची खिचडी तयार करण्याचा आहे.

मिलेट्स म्हणजे भरड धान्य हे पोषक म्हणून परंपरेनुसार आपल्याकडे आहारात वापरले जाते. परंतू हल्लीच्या बदलत्या आहार विहारच्या सवयींमुळे फास्ट फूडकडे लोक आकर्षित होत आहेत. त्यामुळे पुन्हा भरड धान्याकडे लक्ष जाण्यासाठी संयुक्त राष्ट्राच्या सूचनेवरुन भारताने साल 2023 मिलेट्स वर्षे म्हणून जाहीर केले होते. प्रख्यात शेफ विष्णू मनोहर यांनी भरड धान्याच्या प्रचार आणि प्रसारासाठी वर्षभर वेगवेगळ्या शहरात 12 मिलेट्सचे पदार्थ तयार करण्याचा निर्धार केला होता. त्याप्रमाणे आतापर्यंत विष्णू मनोहर यांनी नागपूर, नाशिक, संभाजीनगर येथे मिलेट्सचे विविध पदार्थ तयार केले आहेत. याआधीत नाशिक येथे एप्रिल 2022 मध्ये भगरीपासून 6,000 किलोची खचडी तयार करण्याचा विक्रम झाला होता.

आता चंद्रपुरातील चांदा एग्रो 2024 मध्ये उद्या सकाळपासून चांदा ग्राऊंडवर मिलेट्सची खिचडी बनविण्यास सुरुवात केली जाणार आहे. एका प्रचंड मोठ्या महाकाय कढईत ही खिचडी तयार केली जाणार आहे. या खिचडीसाठी विविध पदार्थांची गरज लागणार असून त्याची यादी जाहीर करण्यात आली आहे. हे पदार्थ खालील प्रमाणे आहेत.

महाकाय खिचडीची खाद्यसामुग्री –

850 किलो बाजरी

250 किलो मुगाची डाळ

215 किलो तांदूळ

215 किलो शेंगदाणे

150 दिडशे किलो फुलकोबी

150 किलो कांदे

150 किलो गाजर

40 किलो भरडलेले धणे

45 किलो तेल अबब…….आणखी काय काय……