सणासुदीच्या हंगामात घरीच बनवा मोतीचूर लाडू, जाणून घ्या रेसिपी!

लाडू

मुंबई : जर तुम्ही पारंपारिक भारतीय मिठाईचे चाहते असाल तर हे मोतीचूर लाडू कसे घरचे-घरी तयार करायचे हे आज आम्ही तुम्हाला सांगणार आहोत. लाडू मिठाई, मोतीचूर लाडू किंवा लाडू हे सर्व वयोगटातील लोकांना आवडतात. मोतीचूर लाडू घरी कसे बनवायचे असा प्रश्न तुम्हाला नेहमीच पडला असेल, तर स्टेप बाय स्टेप झटपट आणि सोपी मोतीचूर लाडूची रेसिपी आज आम्ही तुम्हाला सांगणार आहोत.

मोतीचूर लाडूसाठी साहित्य

1/2 कप बेसन

3 कप तूप

2 चिमूटभर बेकिंग सोडा

1 1/2 टीस्पून हिरवी वेलची

1/2 टीस्पून खाद्य रंग

3 कप साखर

2 कप पाणी

मोतीचूर लाडू कसे बनवायचे?

स्टेप 1-

हे पारंपारिक भारतीय गोड पदार्थ घरी बनवण्यासाठी एका मोठ्या भांड्यात 1/2 कप बेसन घ्या, नंतर त्यात केशरी रंग घाला आणि चांगले मिसळा. नंतर, थोडे पाणी आणि थोडा बेकिंग सोडा घाला. मिश्रण चांगले मिसळा आणि गुठळ्या नाहीत याची खात्री करा.

स्टेप 2-

आता एका मोठ्या कढईत तूप गरम करा. कढईवर लाडू तयार करण्यासाठी चाळणी ठेवा आणि थोडेसे पीठ घाला. बुंदीचे पीठ हळूहळू तेलात पडू द्या आणि मंद आचेवर चांगले शिजेपर्यंत शिजवा. पूर्ण झाल्यावर बुंदीला टिश्यू पेपरवर ठेवा म्हणजे अतिरिक्त तेल निघून जाईल.

स्टेप 3-

नंतर, एक पॅन घ्या आणि त्यात थोडे पाणी आणि साखर घाला. हे मिश्रण दोन तारांची एकसंधता येईपर्यंत उकळू द्या. नंतर त्यात थोडी वेलची पूड टाकून शिजू द्या. नंतर त्यात बुंदी घाला आणि साखरेचा पाक आणि बुंदी पूर्णपणे मिसळेपर्यंत शिजवा. त्यावर झाकण ठेवून आच बंद करा.

स्टेप 4-

हाताला थोडे तुप लावा आणि लाडू बनवायला सुरुवात करा. त्यांना एका खुल्या ट्रेमध्ये ठेवा आणि सुकामेवा वरून लावा.

संबंधित बातम्या : 

Beauty Tips : कोपर आणि मान काळवंडलेयत? मग ‘या’ घरगुती टिप्स नक्की ट्राय करा!

Health | ‘व्हिटामिन डी’ची कमतरता आरोग्यासाठी धोकादायक! ‘या’ पदार्थांचे सेवन ठरेल लाभदायक

(Make special motichoor laddu at home, see recipe)