‘खमण ढोकळा’ बनवताना येतायेत अडचणी, फक्त 10 मिनिटांत घरीच तयार करा गोड – आंबट ढोकळा

खमण ढोकळा अनेकांना आवडतो, कारण प्रचंड मऊ, गोड आणि आंबट असतो…पण अनेकदा घरी ढोकळे बनवताना ते एकतर कडक होतो किंवा एकसारखे फुगत नाहीत अशी तक्रार असते, पण आता तुम्हाला काळजी करण्याची गरज नाही. तर घराच्या घरी फक्त 10 मिनिटांत खमण ढोकळा बणवण्याची रेसिपी घ्या जाणून. सांगायचं झालं तर, खमण ढोकळा बनवण्यासाठी, तुम्हाला 1 कप चांगले चाळलेले बेसन, छान पोत येण्यासाठी 1 मोठा चमचा रवा, 1 छोटा चमचा साखर, रंगासाठी अर्धा चमचा हळद, चवीनुसार मीठ,1 मोठा चमचा लिंबाचा रस, 1 छोटा चमचा इनो, 1 मोठा चमचा तेल आणि मिश्रण तयार करण्यासाठी पुरेसे पाणी लागेल.

गोड आणि आंबट खमण ढोकळा बनवण्यासाठी 2 मोठे चमचे तेल, 1 छोटा चमचा मोहरी, 3 – 4 चिरलेल्या हिरव्या मिरच्या, चवीनुसार 1 ते 2 मोठे चमचे साखर, अर्ध्या लिंबाचा रस, 1 कप पाणी आणि सजावटीसाठी बारीक चिरलेली हिरवी कोथिंबीर लागेल.

प्रथम, एका मोठ्या भांड्यात चाळलेले बेसन, रवा, हळद, मीठ आणि साखर एकत्र करा. आता घट्ट आणि गुळगुळीत खिरा बनवण्यासाठी थोडे थोडे पाणी घाला. खिऱ्यात गुठळ्या राहणार नाहीत याची काळजी घ्या. आता लिंबाचा रस आणि एक चमचा तेल घालून चांगले मिसळा.

हा तयार केलेला खिरा 10 ते 15 मिनिटं झाकून ठेवा, जेणेकरून रवा आणि बेसन पाणी शोषून घेऊन चांगले फुगतील. दुसरे म्हणजे, खिरा फुगत असताना, एका मोठ्या पातेल्यात किंवा स्टीमरमध्ये 2- 3 कप पाणी घालून गॅसवर उकळू द्या. आता, ज्या पातेल्यात तुम्हाला ढोकळा बनवायचा आहे, त्याला थोडे तेल लावून चांगले ग्रीस करा, जेणेकरून ढोकळा चिकटणार नाही.

त्यानंतर 15 मिनिटांनी, बेसनच्या खिऱ्यामध्ये इनो घाला आणि त्यावर एक चमचाभर पाणी शिंपडा. आता ते एकाच दिशेने हलक्या हाताने मिसळा. तुम्हाला दिसेल की खिरा फुगून मऊ झाला आहे. फुगलेला खिरा लगेच तेल लावलेल्या ताटात ओता आणि उकळत्या स्टीमरमध्ये काळजीपूर्वक ठेवा. त्यावर झाकण ठेवा आणि मोठ्या आचेवर 15 – 20 मिनिटे फुगू द्या. शिजला आहे की नाही हे तपासण्यासाठी, ढोकळ्याच्या मध्यभागी चाकू किंवा टूथपिक घाला. जर ते स्वच्छ बाहेर आले, तर याचा अर्थ ढोकळा पूर्णपणे शिजला आहे. तो बाहेर काढा आणि पूर्णपणे थंड होऊ द्या.

एका लहान पातेल्यात तेल गरम करा. त्यात मोहरी घाला. आता मोहरी तडतडायला लागल्यावर त्यात कढीपत्ता आणि हिरव्या मिरच्या घाला. नंतर काही सेकंद हलक्या हाताने ढवळा. त्यात एक कप पाणी, साखर आणि लिंबाचा रस घालून उकळी येऊ द्या. साखर विरघळल्यावर गॅस बंद करा. थंड झालेला ढोकळा चाकूने चौकोनी तुकड्यांमध्ये कापा. आता हे तयार केलेले गोड-आंबट गरम मिश्रण चमच्याने संपूर्ण ढोकळ्यावर व्यवस्थित ओता, जेणेकरून ढोकळा सर्व पाणी शोषून घेईल आणि खूप छान होईल. त्यानंतर खमण ढोकळा खाण्यासाठी तयार आहे.