‘या’ 5 गोष्टी ऑफिसच्या सहकार्यांसोबत बोलू नका, नोकरी अडचणीत येईल

सर्व ठिकाणचे नियम असतात, तसेच ऑफिसचे किंवा नोकरीच्या ठिकाणचे देखील काही नियम आहेत. तुम्ही तुमच्या ऑफिसमधल्या सहकार्यांसोबत कोणत्याही विषयावर चर्चा करत असाल तर हरकत नाही. फक्त काही गोष्टी अशा आहेत, ज्यावर तुम्ही कार्यालयातील सहकार्यांसोबत बोलताना किंवा चर्चा करताना टाळल्या पाहिजेत. याविषयी खाली विस्ताराने जाणून घ्या.

अनेकदा आपण ऑफिसमधल्या लोकांशी मोकळेपणाने बोलतो. असे अनेक मित्र असतात ज्यांच्याशी तुम्ही तुमच्या वैयक्तिक आयुष्याबद्दल आणि तुमच्या आवडी-निवडीबद्दल खूप बोलता. ऑफिस ही अशी जागा आहे जिथे तुम्ही दिवसाचा जास्त वेळ घालवतात. अशावेळी आपले मित्र आणि ऑफिसमध्ये एकत्र काम करणाऱ्या लोकांशी चांगले वर्तन ठेवणे गरजेचे आहे. मात्र, ऑफिसमध्ये आपल्या वागण्या-बोलण्यादरम्यान काही गोष्टींची काळजी घेणं गरजेचं आहे.

अनेकदा लोक तुमच्याबद्दल चुकीचे अंदाज बांधू शकतात. काही लोक तुमच्या बोलण्यावरून तुम्हाला न्याय देऊ लागतात. त्याच वेळी, लोक गोष्टी फिरविण्यास सुरवात करतात, ज्यामुळे आपल्या अडचणी वाढू शकतात. त्यामुळे ऑफिसमध्ये कोणत्या गोष्टी करू नयेत, हे जाणून घेणं गरजेचं आहे.

ऑफिसमधील लोकांशी कधीही शेअर करू नका ‘या’ गोष्टी

तुमच्या पर्सनल आणि फायनान्सशी संबंधित गोष्टी

ऑफिसमध्ये काम करणारी प्रत्येक व्यक्ती पैशासाठी काम करत असते. त्यामुळे आपल्या आर्थिक व्यवहाराशी संबंधित वैयक्तिक गोष्टी कोणाशीही शेअर करू नका. यात तुमचा पगार, तुमचं कर्ज, तुमची गुंतवणूक अशा गोष्टींचा समावेश असतो, ज्यामुळे कधीकधी आपापसात स्पर्धा वाढते.

गॉसिप करणे टाळा

ऑफिसमध्ये गॉसिप खूप असते. त्यामुळे आपल्या सहकार्यांशी बॉसबद्दल कधीही वाईट बोलू नका. आपल्या सहकाऱ्यांच्या गोष्टी कोणाशीही शेअर करू नका. अशा गोष्टी कधी कधी दुसऱ्यापर्यंत मिरची मसाला लावून पोहोचतात. त्यामुळे तुम्हाला जे म्हणायचे आहे ते थेट सांगा. गॉसिप करणे टाळा आणि ऑफिसमध्ये कधीही कोणाचेही वाईट करू नका.

आरोग्याशी निगडीत गोष्टी आणि आजार

जर तुम्हाला आरोग्याची कोणतीही समस्या असेल तर ऑफिसमधील लोकांना त्याबद्दल फार काही सांगू नका. लोक तुम्हाला समजून घेतील आणि गरजेच्या वेळी तुम्हाला मदत करतील, असं तुम्हाला वाटत असलं तरी. कारण, कधीकधी या अवस्थेत, लोक आपल्याला असे काहीही विचारू शकतात ज्यामुळे आपल्याला अस्वस्थ वाटू शकते.

राजकीय आणि धार्मिक विचार

ऑफिसमध्ये काम करणाऱ्या प्रत्येक व्यक्तीची वेगवेगळी मते असू शकतात. मग ते राजकारणाशी संबंधित असो किंवा धार्मिक श्रद्धांशी. या दोन्ही मुद्द्यांवर आपले मत फार मोकळेपणाने मांडता कामा नये. यामुळे कधीकधी परस्पर मतभेद होऊ शकतात.

भविष्यातील योजना आणि करिअरची उद्दिष्टे

आपल्या भविष्यातील योजना आणि करिअरच्या ध्येयांबद्दल ऑफिसमधील लोकांशी जास्त बोलू नका. यामुळे लोक तुमची दिशाभूल करू शकतात. लोकांच्या मनात मत्सर आणि स्पर्धेची भावना निर्माण होते.