Pomegranate : डाळिंब या आजारांवर आहे रामबाण उपाय, काय आहेत त्याचे फायदे
Pomegranate Benefits : डाळिंबात अनेक प्रकारचे घटक आढळतात जे आपल्या शरीराला महत्त्वाचे असतात. डाळिंब हे आरोग्यसाठी सुपरफूड मानले जाते. जे शरीराला अनेक आजारांपासून लांब ठेवते. हिमोग्लोबिन वाढवण्यात देखील डाळिंब मदत करते. डॉक्टर देखील डाळिंब खाण्याचा सल्ला देतात.
Benifits of Pomegranate : डाळिंब हे कोणत्याही फळापेक्षा कमी नाही. कारण डाळिंबाच्या लहान लाल बिया या पौष्टिक घटकांनी परिपूर्ण असतात. डाळिंबात अनेक औषधी गुणधर्म आढळतात, जे अनेक रोग बरे करतात. एक डाळिंब शंभर आजारांना बरे करू शकते. डाळिंबमध्ये फ्लेव्होनॉइड्स, फिनॉलिक्स, लोह, जस्त, पोटॅशियम, फायबर, व्हिटॅमिन सी, व्हिटॅमिन के, व्हिटॅमिन बी आणि ओमेगा -6 फॅटी अॅसिड असतात. डाळिंब खाल्ल्याने शरीरातील अशक्तपणा दूर होतो. डाळिंब खाल्ल्याने हिमोग्लोबिन वाढते. डोळे निरोगी राहण्यास मदत होते. गरोदरपणात देखील डाळिंब खाण्याचा सल्ला दिला जातो.
डाळिंब खाण्याचे फायदे
एनिमिया दूर करतो
डाळिंब खाल्ल्याने एनिमिया दूर होतो. जे लोक नेहमी डाळिंब खातात त्यांच्या शरीरात हिमोग्लोबिनचे प्रमाण चांगले राहते. डाळिंब खाल्ल्याने शरीरात लाल रक्तपेशी निर्माण होतात ज्यामुळे रक्ताची कमतरता दूर होण्यास मदत होते.
मधुमेहात फायदेशीर
डाळिंबाची चव गोड असली तरी मधुमेही रुग्ण डाळिंब खाऊ शकतात. डाळिंबात आढळणारे मधुमेहविरोधी गुणधर्म रक्तातील साखर नियंत्रित ठेवण्यास मदत करतात. ज्यामुळे आरोग्य चांगले राहते.
पचन सुधारते
डाळिंबात भरपूर फायबर असते. ज्यामुळे पचनक्रिया सुधारते. डाळिंबामध्ये हेलिकोबॅक्टर पाइलोरी विरोधी घटक असतो ज्यामुळे पोटाचे आजार बरे होतात. हेलिकोबॅक्टर पायलोरी हा एक प्रकारचा जीवाणू आहे जो पोटात आढळतो.
गरोदरपणात फायदा
डाळिंबात अँटिऑक्सिडंट घटक आढळतात जे गर्भधारणेदरम्यान प्लेसेंटा सुरक्षित ठेवतात. डाळिंब खाल्ल्याने फोलेटची कमतरता भरून काढता येते. गर्भवती महिला आणि बाळांच्या आरोग्यासाठीही डाळिंब फायदेशीर असते.
हृदय निरोगी बनवते
डाळिंबात अँटीथेरोजेनिक आणि अँटीहाइपरटेन्सिव्ह घटक असतात जे वाढलेल्या कोलेस्ट्रॉलला नियंत्रित करतात. याच्या मदतीने हृदयाचे आरोग्यही सुधारता येते. म्हातारपणी विसरभोळेपणा, अल्झायमरचा आजारही डाळिंब खाल्ल्याने कमी होतो.
