Single आनंदी की Relationship मध्ये असणारे? तज्ज्ञांकडूनच ऐका

Relationship Tips: प्रत्येकाला दुसऱ्यांचं चांगलं आणि आपलं वाईट, असं वाटत असतं. त्याचवेळी परिस्थिती वेगवेगळी असू शकते पण याचा फारसा विचार न करता आपण निर्णयावर पोहोचतो. आता एकटे (Single) राहणाऱ्या लोकांना वाटतं की नात्यात राहणारे आनंदी, तर नात्यात राहणाऱ्या लोकांना वाटतं एकटे (Single) असणारे आनंदी. मात्र, तज्ज्ञांचा अभ्यास काय सांगतो, जाणून घेऊया.

एकटे (Single) असतात ते रिलेशनशिपमध्ये असलेल्या लोकांपेक्षा जास्त आनंदी असतात. यामागचं कारण म्हणजे त्या लोकांना आपल्या जोडीदारासाठी किंवा कुणासाठीही वेगळा वेळ काढायची गरज नसते. एकट्या (Single) लोकांची विचारसरणी अशी होती की, त्यांना रोखणारेही कोणी नसते. पण नुकत्याच झालेल्या एका संशोधनात काही वेगळंच दिसून आलं.

इव्होल्यूशनरी सायकॉलॉजिकल सायन्समध्ये प्रसिद्ध झालेल्या एका रिपोर्टनुसार, आयुष्यात एकटे (Single) राहणाऱ्या लोकांपेक्षा समाधानकारक नात्यात राहणारे लोक जास्त आनंदी असतात. यामागचं कारण म्हणजे भावनिक आधार, जो एकट्या लोकांना मिळत नाही.

एकटे राहण्याचे सकारात्मक मुद्दे

तज्ज्ञांच्या मते, एकल (Single) लोक आपले स्वातंत्र्य, स्वावलंबन आणि वैयक्तिक आनंदात अधिक समाधानी असतात. दुसऱ्यावर अवलंबून न राहता स्वत:चे प्रेम, छंद आणि करिअर यावर लक्ष केंद्रित करण्याची अधिक संधी त्यांना मिळते. इतकंच नाही तर ते आपल्या मानसिक आरोग्याकडे आणि करिअरच्या वाढीकडेही अधिक लक्ष देऊ शकतात, ज्यामुळे त्यांना आयुष्यात अधिक समाधान मिळतं.

संशोधनात काय म्हटले आहे?

चीन, इजिप्त, ग्रीस, जपान आणि ब्रिटनसह 12 देशांतील 6,338 लोकांवर हा अभ्यास करण्यात आला. नातेसंबंध, विवाहित, स्वतःच्या मर्जीने अविवाहित आणि जोडीदार हवा आहे परंतु तो मिळवण्यासाठी धडपडत असलेले लोक आणि अलीकडेच अविवाहित असलेले लोक अशा विविध रिलेशनशिप स्टेटसद्वारे सहभागींचे प्रतिनिधित्व केले गेले.

संशोधनात असे आढळले आहे की, जे लोक विवाहित आहेत किंवा निरोगी नात्यात आहेत ते मानसिकदृष्ट्या मजबूत असतात. ते आयुष्यात समाधानी असतात आणि खूप आनंदीही असतात, कारण आयुष्यातील कठीण काळात ते एकटे नसतात. त्यांचा एक जोडीदार असतो जो त्यांच्या भावना समजून घेण्यास सक्षम असतो. याशिवाय जोडीदार असण्याचा फायदा म्हणजे त्यांच्याकडे अशी व्यक्ती असते ज्याच्यासोबत ते आयुष्यातील गोड क्षण संस्मरणीय बनवू शकतात.

अविवाहित का दु:खी?

दुसरीकडे, एकटे (Single) राहणारे लोक दिवस-रात्र स्वतःची काळजी करण्यात घालवतात. ते एकटेच (Single) भावनिक संघर्षांना सामोरे जातात, ज्यात दु:ख, एकटेपणा आणि आयुष्यात कमी मजा आणि आनंद मिळतो. त्याचबरोबर ज्यांचे नुकतेच ब्रेकअप झाले आहे, तेही नात्यादरम्यान आनंदी आणि समाधानी होते, हे मान्य करतात, पण काही कारणांमुळे त्यांना वेगळे होण्यास भाग पाडले जाते.