तिकिटाच्या पैशात ‘जेवण फ्री’! भारतीय रेल्वेची ही भन्नाट ऑफर कोणत्या ट्रेनमध्ये मिळते? जाणून घ्या

भारतीय रेल्वेच्या 12,000 हून अधिक ट्रेन्समध्ये एक अशी ट्रेन आहे, जी आपल्या प्रवाशांना मोफत जेवण देते. विशेष म्हणजे, ही ट्रेन 6 ठिकाणी लंगर सेवा पुरवते आणि यात ब्रेकफास्टपासून डिनरपर्यंत सर्वकाही समाविष्ट आहे. भारतीय रेल्वे दररोज सुमारे 2.5 कोटी लोकांना एक स्थानाहून दुसऱ्या स्थानावर नेते, यासाठी 13,452 ट्रेन्स वापरली जातात. यामध्ये ही एक अशी ट्रेन आहे, जी आपल्या प्रवाशांना मोफत जेवण देत आहे.

सच्चखंड एक्सप्रेसची खासियत

सच्चखंड एक्सप्रेस (12715) ही एक अद्वितीय ट्रेन आहे, जी महाराष्ट्रातील नांदेड शहरापासून पंजाबमधील अमृतसर शहरापर्यंत प्रवास करते. ही ट्रेन श्री हरमंदर साहिब गुरुद्वारा (अमृतसर) आणि श्री हजूर साहिब गुरुद्वारा (नांदेड) यांच्यातील धार्मिक स्थळांदरम्यानचा मार्ग पूर्ण करते. या दोन्ही गुरुद्वारांच्या ऐतिहासिक महत्त्वामुळे, ह्या ट्रेनला प्रवाशांना मोठे महत्त्व दिलं जातं.

सच्चखंड एक्सप्रेसमध्ये प्रवाशांना सहा ठिकाणी लंगरच्या माध्यमातून भोजनाची सुविधा दिली जाते. यामध्ये नवी दिल्ली, भोपाल, परभणी, जालना, औरंगाबाद आणि मराठवाडा या स्थानकांचा समावेश आहे. या ठिकाणी प्रवाशांना कढी-भात, छोले, डाळ, खिचडी, कोबीची भाजी आणि इतर पारंपरिक भारतीय खाद्यपदार्थ दिले जातात. प्रवाशांचे वय, प्रकृती आणि आवड लक्षात घेऊनच जेवणाची व्यवस्था केली जाते, त्यामुळे प्रत्येक प्रवाशाला ताजे, चविष्ट आणि संतुलित अन्न मिळते.

जेवणाचा खर्च कसा उचलला जातो?

सच्चखंड एक्सप्रेसमध्ये दिल्या जाणाऱ्या मोफत जेवणाचा खर्च गुरुद्वारांमध्ये मिळणाऱ्या दानातून भागवला जातो. सर्वसाधारणपणे, भारतीय रेल्वेच्या इतर ट्रेन्समध्ये जेवण उपलब्ध असते, परंतु त्यासाठी प्रवाशांना पैसे द्यावे लागतात.

सच्चखंड एक्सप्रेसचे महत्व

सच्चखंड एक्सप्रेस सुमारे 2,000 किलोमीटरचा प्रवास करते आणि यामध्ये एकूण 39 स्थानकांवर थांबते. हा 33 तासांचा प्रवास प्रवाशांसाठी आरामदायक आणि अध्यात्मिक दृष्टीनेही एक वेगळा अनुभव देतो. प्रवासादरम्यान फुकट जेवणाची सोय असलेल्या या ट्रेनमध्ये सफर करणे, हे इतर कोणत्याही ट्रेनच्या तुलनेत अनोखं आणि संस्मरणीय ठरतं.