लाल, हिरवी की काळी? कोणती द्राक्षे आहेत तुमच्या आरोग्यासाठी सर्वोत्तम?
द्राक्ष आरोग्यासाठी किती फायदेशीर आहे? हे या आर्टिकल द्वारे तुम्हाला समजता येईल.. त्याच बरोबर कोणती द्राक्षे अधिक प्रमाणात खाऊ शकता हे देखील या आर्टिकल द्वारे समजता येईल.
द्राक्षे खायला जितकी स्वादिष्ट लागतात, तितकीच आपल्या आरोग्यासाठी अत्यंत फायदेशीर आहेत. परंतु, द्राक्षांचे कोणते प्रकार अधिक फायदेशीर आहेत, हे जाणून घेणं महत्त्वाचं आहे. बहुतेक लोकांना द्राक्षांचे तीन प्रमुख प्रकार माहित असतील – लाल, हिरवी आणि काळी. पण ह्या तिघांपैकी कोणती द्राक्षे अधिक पोषणतत्त्वांनी भरलेली आहेत? कोणत्या प्रकारचा वापर आपल्या शरीरासाठी अधिक लाभदायक ठरेल? चला, जाणून घेऊया
तर मुळात, हिरवी आणि काळी द्राक्षे अधिक गोड असतात. दोन्ही प्रकारात व्हिटॅमिन C, व्हिटॅमिन K, पोटॅशियम आणि फायबर्स आढळतात, जे आपल्या आरोग्यासाठी फायदेशीर आहेत. काळी द्राक्षे शरीरातील जळजळ कमी करण्यास, रक्तदाब नियंत्रित करण्यास आणि वृद्धत्व कमी करण्यास मदत करतात. याच वेळी, हिरवी द्राक्षे मधुमेहाच्या रुग्णांसाठी उपयुक्त आहेत, हाडे मजबूत करतात, रक्तदाब नियंत्रित करतात आणि पचनशक्ती वाढवतात. लाल द्राक्षे आंबट आणि गोड चवीची असून, ती चवीला अप्रतिम असतात. या द्राक्षांमध्ये अँटिऑक्सिडंट्स असतात, जे मुक्त रॅडिकल्सशी लढून रोगांचा प्रभाव कमी करतात. याशिवाय, लाल द्राक्षांमध्ये व्हिटॅमिन A आणि C मुबलक प्रमाणात असतात, जे रोगप्रतिकारशक्तीला बळकटी देतात. रोज लाल द्राक्षे खाल्ल्याने वजन कमी होण्यास मदत होऊ शकते.
आता प्रश्न असा आहे की, कोणती द्राक्षे खावीत?
तुमच्या गरजेनुसार, तुम्ही हिरवी, काळी किंवा लाल द्राक्षे निवडू शकता. जर तुम्हाला गोड आणि आंबट चव हवी असेल, तर हिरवी किंवा लाल द्राक्षे खा. गोड चव हवी असल्यास, काळी द्राक्षे खा. तज्ज्ञांच्या मते, काळी आणि लाल द्राक्षे अधिक आरोग्यदायी असतात, तर हिरव्या द्राक्षांमध्ये त्यांच्यापेक्षा थोडी कमी पोषणतत्त्वे असतात.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
