लोकसभा निवडणूक 2024 वेळापत्रक

निवडणूक आयोगाने 2024च्या लोकसभा निवडणुकीचा कार्यक्रम जाहीर केला आहे. यावेळी 7 टप्प्यात निवडणुका होणार आहेत. तर 4 जून रोजी मतमोजणी होणार असून त्याच दिवशी निकाल जाहीर करण्यात येणार आहे. पहिल्या टप्प्यात 19 एप्रिल रोजी मतदान होणार आहे. पहिल्या टप्प्यात 102 जागांवर मतदान होईल. 26 एप्रिल रोजी दुसऱ्या टप्प्यात 89 जागांसाठी मतदान होईल. तर, तिसऱ्या टप्पात 7 मे रोजी 94 जागांवर मतदान होणार आहे. चौथ्या टप्प्यासाठी 13 मे रोजी मतदान होणार असून या टप्प्यात 96 जागांवर मतदान होणार आहे. 20 मे रोजी पाचव्या टप्प्यासाठी 49 जागांवर मतदान होणार आहे. सहाव्या टप्प्यासाठी 25 मे रोजी 57 जागांवर मतदान होणार आहे. शेवटच्या 7 व्या टप्प्यासाठी 1 जून रोजी मतदान होणार आहे. 4 जून रोजी निकाल जाहीर होतील. मणिपूरच्या एका जागेवर दोन दिवस म्हणजे 19 एप्रिल आणि 26 एप्रिल रोजी मतदान होणार आहे.