107 स्टोरी, 7,891 फॉलोअर्स; आता संगीता चांदगुडे यांच्या इन्स्टाग्राम अकाउंटची चर्चा, अनेक पोस्ट एकाच विषयावर

गेल्या आठवड्यामध्ये छत्रपती संभाजीनगरमधील खवड्या डोंगरावर एक दुर्दैवी घटना घडली होती. चांदगुडे कुटुंबातील तीन जणांचा डोंगरावरून पडून मृत्यू झाला. हसतं खेळतं कुटुंब डोळ्यादेखील संपलं. मुलगा कुणाल चांदगुडे, आई संगीता चांदगुडे आणि वडील मुरलीधर चांदगुडे अशी मृतांची नाव आहेत. दरम्यान कौटुंबीक वादातून ही घडना घडली असावी असा प्राथमिक अंदाज आहे. मात्र अजूनपर्यंत तरी कोणतंही अधिकृत कारण समोर आलेलं नाहीये. दरम्यान संगीता चांदगुडे यांच्या मृत्यूनंतर आता त्यांचं,  सोशल मीडिया अकाउंट चर्चेत आले आहे.

‘official_sangita_patil_30’ या नावाने असलेल्या Instagram अकाउंटवर 107 पोस्ट असून, या अकाउंटवर मराठी उखाणे आणि वैयक्तिक स्वरूपातील विविध पोस्ट पाहायला मिळतात. या अकाउंटच्या बायोमध्ये ‘मराठी उखाणे’ असा स्पष्ट उल्लेख करण्यात आला आहे. तसेच अकाउंटवर लग्न आणि उखाण्यांशी संबंधित अनेक पोस्ट करण्यात आल्याचे दिसून येते. अकाउंटवर 7,891 फॉलोअर्स असून, संगीता पाटील या नावाने हे अकाउंट चालवले जात असल्याचे स्क्रीनशॉटमधून दिसत आहे.

खवड्या डोंगरावरील घटनेनंतर संगीता चांदगुडे यांचे सोशल मीडिया व्हिडिओ आणि पोस्ट समोर आल्याने त्यांच्या सोशल मीडिया वापराबाबतही चर्चा सुरू झाली आहे. यापूर्वी त्यांच्या सोशल मीडिया व्हिडिओंमधून कौटुंबिक परिस्थिती आणि नातेसंबंधांबाबत त्यांनी व्यक्त केलेल्या भावना समोर आल्या आहेत. दरम्यान, सोशल मीडिया अकाउंटवरील पोस्ट किंवा व्हिडिओंचा खवड्या डोंगरावरील घटनेशी थेट संबंध असल्याचे अद्याप अधिकृतपणे स्पष्ट झालेले नाही. या प्रकरणातील नेमके कारण आणि पार्श्वभूमी पोलीस तपासातूनच स्पष्ट होणार आहे.

कौटुंबीक वाद 

दरम्यान गेल्या शुक्रवारी दुपारच्या सुमारास ही घटना घडली आहे. खवड्या डोंगरावर गेलेल्या मुलाला वाचवण्याच्या नादात आई-वडिलांचा देखील मृत्यू झाला. त्यानंतर या प्रकरणात दररोज नव नवीन खुलासे होत आहेत. कौटुंबीक वादाची पार्श्वभूमी देखील समोर आली आहे. संगीता चांदगुडे यांच्या माहेरच्या लोकांकडून मुरलीधर चांदगुडे यांच्या घरच्यांवर आरोप करण्यात आले आहेत. तर दुसरीकडे संगीता चांदगुडे यांच्यामुळे आपला मुलगा आपल्यापासून वीस वर्ष दूर होता, असा आरोप मुरलीधर चांदगुडे यांच्या नातेवाईकांनी केला आहे.