“नांगरे पाटील यांचा सहायक बोलतोय” म्हणत पुण्यातील महिला डॉक्टरची तीन लाखांची फसवणूक, काय नेमके प्रकरण?
पुणे येथील एका ४३ वर्षांच्या डॉक्टर महिलेची सायबर चाच्यांनी नांगरे पाटील यांचा सहायक बोलतोय असे म्हणत फसवणूक केल्याची घटना घडली आहे. पुणे येथील एका ४३ वर्षांच्या डॉक्टर महिलेची सायबर चाच्यांनी नांगरे पाटील यांचा सहायक बोलतोय असे म्हणत फसवणूक केल्याची घटना घडली आहे.

दीपक कापरे, टीव्ही ९ मराठी, प्रतिनिधी : पुण्यातील एका ४३ वर्षी महिला डॉक्टरला सायबर चाच्यांनी तीन लाखांना लुबाडल्याची घटना घडली आहे. या महिलेला नांगरे पाटील यांचा सहायक बोलतोय म्हणतोय असे म्हणून फसवण्यात आले. आपण सायबर सेल ऑफ इंडियामधून चौधरी आणि विश्वास नांगरे पाटील सरांचा असिस्टंट बोलतोय.तुमचे नाव हे मनि लाँड्रीग आणि टेररिस्ट फंडींगच्या केसमध्ये आले आहे. जर वाचायचे असेल तीन लाख बँकेत ट्रान्सफर करण्यास सांगितले. त्यानंतर या महिलेने हे पैसे ट्रान्सफर केल्याची धक्कादायक प्रकार घडला आहे.
पुण्यातील महिला डॉक्टरला एक फोन आला आणि त्यातील व्यक्तीने आपण मी सायबर सेल ऑफ इंडियामधून चौधरी आणि विश्वास नांगरे पाटील सरांचा असिस्टंट बोलतो आहे असे सांगितले. दरम्यान,सायबर चोरट्यांनी फिर्यादींना “तुम्ही अवैध जाहीरातबाजी आणि अश्लील मेसेज पाठवुन पैसे कमवत आहात.तुमचे मनि लाँड्रिंग आणि टेरिरिस्ट फंडींगच्या केसेसमध्ये नाव आले आहे. असे घाबरवून फिर्यादी यांना अटकेची भीती घातली गेली.अटक टाळायची असेल तर तुम्हाला काही रक्कम सांगितलेल्या बँक खात्यात भरावी लागेल असे सांगितले.घाबरलेल्या अवस्थेत फिर्यादींनी सायबर चोरट्यांच्या भूल थापाला बळी पडून त्यांनी दिलेल्या बँक खात्यावर तीन लाख रुपये ट्रान्स्फर केले.
पोलिसांनी दिलेल्या माहितीनुसार, ऑक्टोबर महिन्यात फिर्यादी महिलेच्या मोबाईलवर एका अनोळखी नंबरवरून फोन आला.फोनवर समोरील व्यक्तीने “मी सायबर सेल ऑफ इंडियामधुन चौधरी आणि विश्वास नांगरे पाटील सरांचा असिस्टंट बोलतोय” असं सांगितले. तसेच काही वेळात आणखी एका नंबरवरून सायबर चोरट्यांनी “आपण मुंबई क्राईम ब्रँचचे वरिष्ठ अधिकारी बोलत असून तुमचे आधार कार्ड एका नंबरला लिंक आहे असे सांगितले.
आयपीएस विश्वास नांगरे पाटील हे सध्या नागपूर शहर पोलिस दलाचे आयुक्त आहेत. त्यांच्या नावाचा वापर करुन सायबर चाच्यांनी या महिलेला डिजिटल अरेस्टची धमकी दिली होती. डॉक्टर असलेल्या या महिलेची अशा प्रकारे फसगत झाल्याने आश्चर्य व्यक्त होत आहे. या प्रकरणात आता याप्रकरणी पुण्यातील सायबर पोलिस ठाण्यात दाखल असलेला गुन्हा सिंहगड रोड पोलीस ठाण्यात वर्ग करण्यात आला आहे.