Aurangabad | तर 35 वर्ष राजकारणात नसतो, राजेश टोपेंच्या आरोपांना संदीपान भुमरेंचं प्रत्युत्तर

औरंगाबादः शिवसेनेचे मंत्री राष्ट्रवादीच्या कार्यकर्त्यांची फोडाफोडी करून त्यांना त्रास देत असल्याच्या राजेश टोपे (Rajesh Tope) यांच्या आरोपांना शिवसेना मंत्री संदीपान भुमरे (Sandipan BHumre) यांनी प्रत्युत्तर दिलंय. आपण दादागिरी केली असती तर राजकारणात 35 वर्षे टिकलो नसतो. राजेश टोपे यांचे सगळे आरोप खोटे आहेत, अशी प्रतिक्रिया त्यांनी दिली आहे. राष्ट्रवादी काँग्रेसच्या मेळाव्यात काल आरोग्य मंत्री राजेश टोपे यांनी औरंगाबादमधील दोन मंत्र्यांवर नाराजी व्यक्त केली होती. खासदार सुप्रिया सुळे (Supriya Sule) यांच्या उपस्थितीत हा मेळावा झाला. यावेळी शिवसेना मंत्री संदीपान भूमरे आणि अब्दुल सत्तार राष्ट्रवादी काँग्रेसमध्ये फोडाफोडी करत असल्याचं वक्तव्य राजेश टोपे यांनी केलं होतं.

राजेश टोपेंचे आरोप काय?

राज्यात महाविकास आघाडीचे सरकार असले तरीही गाव पातळीवर सर्वकाही आलबेल नसल्याची खंत राजेश टोपे यांनी व्यक्त केली. औरंगाबाद जिल्ह्यासाठी राष्ट्रवादीचे संपर्कमंत्री राजेश टोपे यांनीच शिवसेनेचे मंत्री संदीपान भूमरे, महसूल राज्यमंत्री अब्दुल सत्तार राष्ट्रवादीच्या कार्यकर्त्यांना धमकावत असल्याची तक्रार केली. शिवसेना मंत्र्यांकडून आपल्या कार्यकर्त्यांना त्रास होतोय ह्या ही गोष्टी खऱ्या आहेत, अशी नाराजी टोपेंनी व्यक्त केली. सत्तेच्या बळावर राष्ट्रवादीत फोडाफोडी करू नये. आपण महाविकास आघाडी धर्म पाळावा, असा सल्लाही राजेश टोपे यांनी दिला.

महाविकास आघाडीचा धर्म पाळा, राजेश टोपेंची दोन शिवसेना मंत्र्यांवर नाराजी, औरंगाबादेत जाहीर वक्तव्य!#RajeshTope #MahaVikasAghadi #ShivSena pic.twitter.com/1HOdaLxidH

— TV9 Marathi (@TV9Marathi) April 19, 2022

शिवसेना मंत्री संदीपान भूमरेंचं प्रत्युत्तर

महाविकास आघाडीत बिघाडी झाल्याची ही खदखद बाहेर आल्यानंतर शिवसेना मंत्री संदीपान भूमरे यांनीही याला प्रत्युत्तर दिलंय. राजेश टोपेंना उत्तर देताना संदीपान भूमरे म्हणाले, ‘ आम्ही दादागिरी केली असती तर राजकारणात 35 वर्षे टिकलो नसतो. असे म्हणत आपण सर्वांना सोबत घेऊन आजवर राजकारण केले असून राजेश टोपे यांचे आरोप खोटे असल्याचे ते म्हणालेत ,नेमके राजेश टोपे काय बोलले याची कल्पना नाही, मात्र आपण कोणत्याही राष्ट्रवादीच्या कार्यकर्त्याला आपल्या पक्षात घेतले नाही. महाविकास आघाडीत सर्वांना सोबत घेऊन काम करण्याचा आम्ही प्रयत्न करतो. काही कार्यकर्तेच्या विनाकारण खोट्या तक्रारी करत असतात असेही भुमरे म्हणालेत. त्यामुळे आम्ही सगळ्यांना सोबत घेऊन काम करण्याचा प्रयत्न करतो.

Aurangabad | राजेश टोपेंच्या आरोपांना शिवसेना मंत्री संदीपान भूमरे यांचं प्रत्युत्तर pic.twitter.com/729X0MGYKo

— TV9 Marathi (@TV9Marathi) April 19, 2022

इतर बातम्या-

Ramdas Athawale on Raj Thackeray | एका बाजूला भोंगे, दुसऱ्या बाजूला सोंगे; नागपुरात रामदास आठवलेंची राज ठाकरेंवर टीका

Maharashtra DGP Loudspeaker Policy : सार्वजनिक ठिकाणी लाऊडस्पीकरच्या वापराबाबत अधिकाऱ्याची बैठक, मोठा निर्णय होण्याची शक्यता ?