वीस वर्षीय तरुणाचा मृतदेह आढळला, शेजारी बंदुकही, परिसरात खळबळ, बीड शहरातील घटना

बीड : सध्या बीड शहरात गुन्हेगारी (Beed Crime) वाढत चालली आहे. अनेकदा भरदिवसा हत्या होत आहेत. बीड शहरातील 20 वर्षीय तरूणाचा मृतदेह आढळून आला आहे.त्यामुळे परिसरात एकच खळबळ उडाली आहे. महाविद्यालयीन विद्यार्थ्याचा (Student) मृतदेह आढळला आहे. इतकंच नाही तर त्याच्या मृतदेहाजवळ बंदूकही आढळली आहे.

एका महाविद्यालयीन तरूणाचा मृत आढळून आला त्यामुळे परिसरात एकच खळबळ उडाली आहे. त्यामुळे परिसरात खळबळ उडाली आहे. घटनास्थळी रिव्हॉल्वर आढळल्याने शहर हादरलं आहे.अक्षय भानुदास भांडवले वय 20 राहणार बार्शी नाका बीड, असं मयत महाविद्यालयीन तरुणाचं नाव आहे.

बीड शहरातील बार्शी रोड लगत असणाऱ्या तिरुपती नगरमध्ये अक्षय भांडवले या महाविद्यालयीन विद्यार्थी तरुणाचा मृतदेह आढळला आहे. ही घटना आज सकाळी 9 च्या दरम्यान उघडकीस आली आहे. यादरम्यान पोलिसांना मयत अक्षय भांडवले यांच्या मृतदेहाचे शेजारी, एक रिव्हॉल्वर आढळली आहे. त्यामुळं प्राथमिक माहितीवरून खून झाल्याचा संशय व्यक्त केला जातोय. पोलिसांनी मृतदेह शवविच्छेदनासाठी जिल्हा रुग्णालयात दाखल केला असून शिवाजीनगर पोलीसांकडून पुढील तपास करीत आहेत.