सक्षमच्या मृतदेहासोबत लग्न, त्याच्याच भावावर गंभीर आरोप, आंचल मामीडवार प्रकरणात मोठा ट्विस्ट, ते मेसेज समोर येताच मोठी खळबळ

काही दिवसांपूर्वी नांदेडमधून एक हादरवणारी घटना समोर आली होती, आंचल मामीडवार या तरुणीच्या प्रियकरावर तिच्याच वडिलांनी आणि भावाने गोळ्या झाडल्या होत्या, या घटनेत आंचल मामीडवार या तरुणीचा प्रियकर असलेला सक्षम ताटे नावाच्या तरुणाचा मृत्यू झाला. हे प्रकरण राज्यभरात चांगलंच गाजलं. या प्रकरणात आपल्या वडिलांना आणि भावाला फाशीची शिक्षा व्हावी अशी मागणी त्यावेळी आंचल मामीडवारने केली होती. तसेच तिने सक्षमच्या मृतदेहासोबत लग्न देखील केलं होतं. आता आपण कायम सक्षमच्याच घरी राहणार, असंही तिने त्यावेळी म्हटलं होतं. या घटनेमुळे संपूर्ण राज्य हळहळलं होतं. परंतु आता आयुष्यभर सक्षमच्याच घरी राहणार असं म्हणणाऱ्या आंचल मामीडवारने त्याचं घर सोडलं आहे. ती आता आपल्या आजीसोबत राहत आहे.

दरम्यान आता आंचल मामीडवारने सक्षम ताटेचं घर सोडल्यानं याची चांगलीच चर्चा सुरू आहे. याबाबत तिला विचारलं असता, तिने धक्कादायक दावा केला आहे. तिने सक्षमच्या लाहान भावावर गंभीर आरोप केला आहे. तो आपल्यासोबत चुकीचं वागत होता, त्याने अनेकदा मला चुकीचा स्पर्श केला असा आरोप आंचलने केला आहे. दरम्यान मी याची कल्पना त्याच्या कुटुंबीयांना देखील दिली, परंतु त्यांनी माझ्यावर विश्वास ठेवला नाही, म्हणून आपलं त्याचं घर सोडलं असं आंचलने म्हटलं आहे.

परंतु या प्रकरणात आता नवं ट्विस्ट आलं आहे. आंचलने सक्षमच्या लहान भावावर आरोप केल्यानंतर आता सक्षमच्या आत्या आणि आईने मोबाईलमधील काही संदेश दाखवून मोठा दावा केला आहे, त्या एका वृत्तवाहिनीसोबत बोलत होत्या. आता आमचं एकच लेकरू आहे, मी तिला हात जोडून विनंती करते की आता आमच्या मुलाला बदनाम करू नको. त्याने तुला काहीही केलं नाहिये. तो सारखा तुला वहिनी वहिनी करायचा, असं सक्षमच्या कुटुंबीयांनी म्हटलं आहे. दरम्यान यावेळी सक्षमच्या आत्याने आंचलचे काही मेसेज देखील प्रसारमाध्यमांना दाखवले आहेत, ज्यामध्ये आंचल सक्षम ताटेच्या भावाला ‘बोल की बाळा’ असं म्हणत आहे. तसेच तिचे इतरही काही मेसेज समोर आले आहेत, यावरून सक्षण ताटेचा भाऊ आणि आंचलमध्ये संवाद सुरू होता, असं दिसून येत आहे.