80 फूट दरीत कोसळलेला ट्रक अडकला झाडावर, घटना कॅमेऱ्यात कैद
विशेष म्हणजे ट्रक दरीत कोसळत असताना तो कॅमेऱ्यात कैद झाला.
गणेश सोलंकी, TV9 मराठी, प्रतिनिधी, बुलढाणा : ही थरारक घटना आहे सोलापूर (Solapur)- बुऱ्हाणपूर – इंदोर महामार्गावरील. बुलढाणा शहरानजीक असलेल्या राजूर (Rajur) घाटात एक ट्रक बुलढाण्याकडे जात होता. तेवढ्यात ट्रक रस्त्याच्या कडेला फसला. या रस्त्याच्या कडेला असलेल्या ट्रकमुळं वाहतूक (Traffic) विस्कळीत झाली. दोन्ही बाजूला रांगा लागल्या. एका बाजूला डोंगर तर, दुसऱ्या बाजूला खोल दरी अशी परिस्थिती होती.
वरच्या भागातून वाहनं जात होती. पण एकेरी वाहतूक असल्यानं वाहतुकीची कोंडी झाली. खालच्या भागात फसलेला ट्रक होता. या ट्रकला काढण्याचे प्रयत्न करण्यात आले.
पण, चालक, वाहक त्यात यशस्वी झाले नाहीत. ते ट्रकच्या बाजूला उभे होते. तेवढ्यात ट्रक धाडकन खाली कोसळला. तो थेट 80 फूट खोल दरीत. या दरीत असलेल्या एका झाडाला तो ट्रक अडकला असल्याचं सांगितलं जातं.
ही घटना आज सायंकाळी पाच वाजताच्या सुमारास घडली. विशेष म्हणजे ट्रक दरीत कोसळत असताना तो कॅमेऱ्यात कैद झाला. ही थरारक अशी घटना पाहून अनेकांचे डोळे दिपले.
सुदैवाने या ट्रकचा चालक आणि वाहक ट्रकमध्ये नसल्याने बचावले आहेत. मात्र ट्रक 80 फूट खोल दरीत कोसळला. त्यामुळे ट्रकचे आणि त्यातील साहित्याचं मोठं नुकसान झालंय.
राजूर घाटात ही घटना सायंकाळी पाचच्या सुमारात घडली. ट्रक रस्त्याच्या बाजूला अडकला होता. त्याला काढण्याचे प्रयत्न करण्यात आले. पण, त्यात यश मिळू शकलं नाही.
ट्रक उभा असलेल्या ठिकाणाच्या खालच्या भागात दरी होती. उभा ट्रक थेट त्या दरीत कोसळला. त्यामुळं ट्रकच्या साहित्याचं नुकसान झालं. पण, ट्रकमध्ये कुणीही नसल्यानं जीवितहानी झाली नाही.
