Khavdya Dongar Case: कुणालच्या आजोबांचा धक्कादायक खुलासा, 15-20 दिवसांपूर्वी घडलं होतं असं काही की…

Kunal Chandgude Case: छत्रपती संभाजीनगर येथील खवड्या डोंगरावर शुक्रवारी घडलेल्या घटनेत चांदगुडे कुटुंबातील तीन लोकांचा जागीच अंत झाला. कुणाल (वय १९ वर्षे), त्याचे वडील मुरलीधर (वय ४८ वर्षे) आणि आई संगीता (वय ४२ वर्षे) यांचा एकाचवेळी दुर्दैवी मृत्यू झाला. सुरुवातीला असं समजलं होतं की कुणालला आयफोन हवा आहे आणि या मागणीमुळे त्याने हे पाऊल उचलले आहे, पण नंतर समजले की प्रकरण काही तरी वेगळेच आहे. या प्रकरणाचा सखोल तपास सध्या सुरु आहे. आता या संदर्भातील एक महत्त्वाची अपडेट समोर आली आहे. मुरलीधर चांदगुडे यांच्या वडिलांची प्रतिकिया आता समोर आली आहे.

कुणाल कौटुंबिक वादातून मानसिक तणावाचा सामना करत होता. शुक्रवारी सकाळी क्लाससाठी घराबाहेर पडलेला कुणाल अचानक खवड्या डोंगरावर पोहोचला. नंतर त्याने थेट डोंगराचे कट गाठले, त्याला वाचवण्यासाठी पुढे धावून गेलेल वडील मुरलीधर चांदगुडे पाय घसरुन मुलासह दरीत कोसळले. पती आणि मुलगा डोळ्यांदेखत दरीत कोसळल्याची घटनेमुळे आई संगीताला धक्का बसला.

मुलगा मुरलीधर चांदगुडेबद्दल बोलताना वडिल भावूक

कुणाल आणि त्याचे वडील म्हणजेच मुरलीधर यांच्या मृत्यूची माहिती कुटुंबीयांना सुरुवातीला थेट देण्यात आली नव्हती. सुरुवातीला मुलाचा पाय मोडला आहे, असे आम्हाला सांगण्यात आले. मात्र, मृतदेह घरी आणल्यानंतर आम्हाला खरी घटना समजली.” अशी प्रतिक्रया आता मुरलीधर यांच्या वडिलांनी दिली आहे. दरम्यान, मुरलीधर यांच्या वडिलांनीही आपल्या मुलाच्या शेवटच्या भेटीबद्दलही सांगितले, “मुरलीधर लग्नानंतर आमच्याशी फारशा बोलत नव्हता. कधी आला तर थेट शेतात निघून जायचा. आम्ही त्याला शेताची वाटणी आधीच दिली होती.  मात्र, घटनेच्या अवघ्या 15-20 दिवसांपूर्वी मुरलीधर घरी आला होता, तेव्हा त्याच्या आईची प्रकृती चांगली नव्हती, म्हणून कामात त्याने मदत केली. आईला आता फार उठता-बसता येत नसल्याचे पाहून त्याने स्वत: भांडी घासली, भाजी केली आणि आमच्यासोबत छान गप्पाही मारल्या,”