Ajit Pawar Plane Crash : अजितदादांच्या निधनानं महाराष्ट्र सुन्न, राष्ट्रीय स्वयंसेवक संघाकडून श्रद्धांजली
महाराष्ट्राचे उपमुख्यमंत्री अजित पवार यांचं विमान अपघातात निधन झालं आहे, या दुर्दैवी घटनेमुळे संपूर्ण राज्यात शोककळा पसरली आहे, राष्ट्रीय स्वयंसेवक संघाकडून अजित पवार यांना श्रद्धांजली अर्पण करण्यात आली आहे.
महाराष्ट्राचे उपमुख्यमंत्री अजित पवार यांचं विमान अपघातामध्ये निधन झालं आहे. या दुर्दैवी घटनेमुळे संपूर्ण राज्याला मोठा धक्का बसला आहे, महाराष्ट्रावर शोककळा पसरली आहे. समोर आलेल्या माहितीनुसार आज सकाळी अजित पवार हे मुंबईहून बारामती दौऱ्यासाठी रवाना झाले होते. मात्र विमान धावपट्टीवर उतरण्यापूर्वीच पायलटचं विमानावरील नियंत्रण सुटलं आणि विमान खाली कोसळलं. हा अपघात एवढा भीषण होता की, या अपघातामध्ये अजित पवार यांच्यासह अन्य चार जणांचा मृत्यू झाला आहे, त्यामध्ये विमानाच्या पायलटचा देखील समावेश आहे. अजित पवार यांच्या निधनामुळे संपूर्ण राज्यात हळहळ व्यक्त केली जात आहे. महाराष्ट्रात आक्रेश पहायला मिळत आहे. राष्ट्रीय स्वयंसेवक संघाकडून अजित पवार यांना श्रद्धांजली अर्पण करण्यात आली आहे.
‘महाराष्ट्र के उपमुख्यमंत्री श्री अजित पवार जी का आज अचानक विमान दुर्घटना में निधन होना अत्यंत दुर्भाग्यपूर्ण एवं दुखद है। उनका सार्वजनिक जीवन काफी लंबा एवं प्रभावी रहा है। राष्ट्रीय स्वयंसेवक संघ उन्हें हृदयपूर्वक श्रद्धांजलि अर्पित करता है तथा ईश्वर से प्रार्थना करता है कि उनकी आत्मा को शांति प्रदान करें। ॐ शांति।’ असं आरएसएने आपल्या शोक संदेशात म्हटलं आहे.
महाराष्ट्र के उपमुख्यमंत्री श्री अजित पवार जी का आज अचानक विमान दुर्घटना में निधन होना अत्यंत दुर्भाग्यपूर्ण एवं दुखद है। उनका सार्वजनिक जीवन काफी लंबा एवं प्रभावी रहा है। राष्ट्रीय स्वयंसेवक संघ उन्हें हृदयपूर्वक श्रद्धांजलि अर्पित करता है तथा ईश्वर से प्रार्थना करता है कि उनकी… pic.twitter.com/TbdU9Nj2C3
— RSS (@RSSorg) January 28, 2026
अपघाताचा व्हिडीओ समोर
विमान अपघातामध्ये महाराष्ट्राचे उपमुख्यमंत्री अजित पवार यांचं निधन झालं आहे. हा अपघात नेमका कसा झाला? याचा एक व्हिडीओ सीसीटीव्ही फुटेज आता समोर आलं आहे. अजित पवार हे मुंबईहून बारामती दौऱ्यासाठी निघाले होते. त्याचवेळी ही दुर्दैवी घटना घडली आहे. सकाळी 8 वाजून 45 मिनिटांच्या आसपास विमानाचा मोठा स्फोट झाल्याचं सीसीटीव्हीमध्ये दिसून येत आहे. दरम्यान अपघातापूर्वी हे विमान काही वेळ हवेतल्या हवेत घिरट्या घालत होतं अशी देखील माहिती समोर आली आहे.
