Khavadya Dongar : अरे बाबा मी तुला आयफोन 15 देतो पण तू असे करू नको, कुणालला विनंती, तरीही खवड्या डोंगराहून..

छत्रपती संभाजीनगर येथे एकाच कुटुंबातील तिघांचा मृत्यू झाला. लेकाने आयफोन 15 साठी हट्ट धरला. वडील ते पूर्ण करत नव्हते. मग काय पोरगा जीव द्यायला डोंगरावर केला. आईने लेकाला वाचवण्यासाठी प्रत्येक प्रयत्न केले. पण तो कोणाचेही ऐकला नाही. लेकाला वाचवण्यासाठी वडील पुढे गेले. पण मुलासोबत तेही दरीत कोसळले. दोघांना पडताना पाहून आईनेही उडी घेतली. एका आयफोनच्या नादात सर्व कुटुंब गेले. मुलगा कुणाल चांदगुडे वय 19, वडील मुरलीधर चांदगुडे वय 48 आणि आई संगीता चांदगुडे अशी या घटनेतील मृतांची नावे आहेत. आयफोनवरून मुलाचा आणि वडिलांचा वाद वाढला. त्यानंतर तो जीव देण्यासाठी खवड्या डोंगरावर पोहोचला. त्याला वाचवण्यासाठी उपस्थित लोकांनी आणि त्याच्या आईने प्रयत्न केली. पोलिसही जीव तोडून त्याला सांगत होते.

उपस्थित लोकांनी कुणाल याला प्रचंड समजून सांगण्याचा प्रयत्न केला. आईने वडिलांना सोडते आणि आपण दोघेच राहू असेही म्हटले, पण कुणाल चांदगुडे याला ते मान्य नव्हते. यादरम्यान उपस्थित असलेल्यांपैकी अनेकांनी मी तुला आयफोन 15 देतो पण तू असे करू नको म्हटले. उपस्थितांनी त्याला आयफोन 15 देण्याचे वचन दिले.

माजी सरपंच संजय जाधव यांनी सांगितले की, पालकांनी आपल्या मुलाची खूप मनधरणी केली, पण तो ऐकत नव्हता. सकाळी दहाच्या सुमारास कुणाल हा डोंगराच्या कडेला जाऊन बसला होता. तो तिथून हलत नव्हता. लोकांची गर्दी जमली. पोलिसांनाही त्याबाबत माहिती दिली आणि पोलिस घटनास्थळी दाखल झाले. तो कोणाचेही ऐकत नव्हता.

त्याच्या आईच्या डोळ्यातील अश्रू थांबत नव्हते. आई त्याला सतत बोलत होती. पण तो आईलाही बोलताना सतत जागा बदल होता. ज्यामुळे जाळी लावूनही काही उपयोग होत नव्हता. तो तरुण नैराश्याचा सामना करत असल्याचे दिसत होते. मी तिथे सकाळी 10 ते 1 तिथेच होतो. मी त्याला जवळपास 3 तास समजवण्याचा प्रयत्न केला. पण तो ऐकतच नव्हता. तू सुरक्षित आहे, असे पाऊल उचलू नको, मी त्याला सांगितले.