AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

फेडरेशनचा खरेदी केलेला 7 हजार क्विंटल धान गायब!, या तीन संस्था रडारवर

7 हजार क्विंटल धान संबंधित संस्थांच्या गोदामात उपलब्ध नाही. ही धक्कादायक बाब राज्यस्तरीय भरारी पथकाने केलेल्या तपासणीत उघडकीस आली आहे. त्यामुळे गोरेगाव तालुक्यातील तीन संस्था पुन्हा रडारवर आहेत.

फेडरेशनचा खरेदी केलेला 7 हजार क्विंटल धान गायब!, या तीन संस्था रडारवर
Govinda Hatwar
Govinda Hatwar | Updated on: Jun 26, 2023 | 3:40 PM
Share

शाहीद पठाण, प्रतिनिधी, गोंदिया : तिरोडा, गोंदिया, आमगाव आणि गोरेगाव चार तालुक्यांमध्ये मार्केट फेडरेशन धान खरेदी करतो. आदिवासी विकास महामंडळ सडक अर्जुनी, मोरगाव अर्जुनी, देवरी आणि सालेकसा या चार तालुक्यांत धान खरेदी करते. गोंदिया जिल्ह्यात सहकारी संस्थांच्या माध्यमातून जिल्हा मार्केटिंग फेडरेशनच्या शासकीय धान खरेदी केंद्रावर धान खरेदी करण्यात येतो. खरेदी करण्यात आलेला तब्बल 7 हजार क्विंटल धान संबंधित संस्थांच्या गोदामात उपलब्ध नाही. ही धक्कादायक बाब राज्यस्तरीय भरारी पथकाने केलेल्या तपासणीत उघडकीस आली आहे. त्यामुळे गोरेगाव तालुक्यातील तीन संस्था पुन्हा रडारवर आहेत. या तिन्ही संस्थावर फौजदारी कारवाई केली जाणार असल्याची माहिती आहे.

धानाची परस्पर विल्हेवाट

गोंदिया जिल्ह्यात जिल्हा मार्केटिंग फेडरेशन आणि आदिवासी विकास महामंडळांतर्गत शासकीय धान खरेदी केंद्रावरून धान खरेदी केली जाते. फेडरेशन सहकारी संस्थांना कमिशन तत्त्वावर धान खरेदी करण्यास परवानगी देते. यासाठी संबंधित संस्थाकडून बँक गॅरंटी आणि 10 लाख रुपये डिपॉझिट घेतले जातात. मात्र, यानंतर मागील वर्षी जिल्ह्यातील पाच संस्थांनी शासकीय धान खरेदी केंद्रावर खरेदी केलेल्या धानाची परस्पर विल्हेवाट लावली होती.

gondia 2 n

चार राज्यस्तरीय पथकं जिल्ह्यात दाखल

याप्रकरणी या संस्थांवर फौजदारी गुन्हा सुद्धा दाखल करण्यात आला होता. पण यानंतरही धान खरेदीतील गैरप्रकार थांबत नसल्याचे चित्र आहे. खरीप आणि रब्बी हंगामात खरेदी केलेल्या धानाची तपासणी करण्यासाठी दोन दिवसांपूर्वी मार्केटिंग फेडरेशनचे चार राज्यस्तरीय पथक जिल्ह्यात दाखल झाले आहेत. या पथकाने दोन दिवसांत जिल्ह्यातील काही संस्थांच्या गोदामाला भेट दिली. खरेदी केलेला धान गोदामात आहे किंवा नाही, याची चाचपणी केली.

खरेदी केलेला धान गोदामात नाही मग कुठे?

यात गोरेगाव तालुक्यातील तीन संस्थांच्या गोदामामध्ये खरीप हंगामात खरेदी केलेला जवळपास 7 हजार क्विंटल धान नसल्याची बाब उघडकीस आली आहे. ही बाब या पथकाने जिल्हा मार्केटिंग फेडरेशन अधिकाऱ्यांना सांगितल्याची माहिती आहे. खरेदी केलेला धान गोदामात नाही. शिवाय या संस्थांना वांरवार धान जमा करण्याच्या सूचना करूनही त्या जमा करीत नाहीत. त्यामुळे आता या संस्थांना नोटीस बजावून धान जमा न केल्यास फौजदारी कारवाई केली जाणार असल्याची माहिती आहे.

तिरोड्यातील तीन केंद्रावर धानाचे गौडबंगाल

तिरोडा तालुक्यातील सुद्धा तीन धान खरेदी केंद्रावर खरेदी केलेल्या धानापेक्षा प्रत्यक्षात तीन हजार क्विंटलवर धान कमी असल्याची बाब उघडकीस आली आहे. ही बाब उघडकीस आल्यानंतर या केंद्रांना सुद्धा नोटीस बजावून तफावत असलेला धान जमा करण्याची नोटीस फेडरेशन बजावणार आहे. त्यानंतर फौजदारी कारवाई केली जाणार आहे. भरारी पथकाच्या चौकशीत धान खरेदी केंद्रांचा बराच अनागोंदी कारभार पुढे येण्याची शक्यता आहे.

गोंदिया जिल्ह्यातील 177 केंद्रांची तपासणी करण्यासाठी महाराष्ट्र राज्य सहकारी पणन महासंघ मुंबईतर्फे 4 भरारी पथके पाठविण्यात आली आहेत. चार उड्डाण पथकांचे पथक 177 केंद्रांची तपासणी करणार आहेत. जिल्ह्यात पणन महासंघ आणि आदिवासी विकास महामंडळाकडून धान खरेदी करण्यात येत आहे. जिल्ह्यात जिल्हा मार्केटिंग फेडरेशनने 177 केंद्रांना मान्यता दिली आहे.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत