Video : Gondia Accident | गोंदियातील अपघात प्रकरण पेटले, गावकऱ्यांची पोलिसांवर दगडफेक, पोलिसांचा लाठीचार्ज, पोलीस जखमी 

गोंदिया : जिल्ह्याच्या महालगाव-मुरदाडा (Mahalgaon-Murdada) येथे अवैधरीत्या वाळू तस्करी करणारा टिप्पर व ट्रॅक्टर यांचा विचित्र अपघात बुधवार, 15 जून रोजी झाला. यात ट्रॅक्टर चालकाचा जागीच मृत्यू झाला. तर पाच जण जखमी झाले. त्यापैकी पुन्हा एकाचा मृत्यू झाला. दोन जण या अपघातात ठार झाले. गुरुवारी 16 जून रोजी दुसरा मृतदेह आणून गावातील बाजार चौकात ठेवण्यात आला. ग्रामस्थांनी चक्काजाम आंदोलन सुरू केले. या दरम्यान हजारोच्या संख्येने लोकांची उपस्थिती होती. प्रकरण एवढे तापले होते की गावकऱ्यांनी पोलिसांना मारहाण केली. पोलिसांची गाडी फोडली. पोलीस निरीक्षक प्रतापराव भोसले (Prataprao Bhosale) यांना मारहाण करण्यात आली. त्यांची बंदूक (Gun) गावकऱ्यांनी काढून घेतली. त्याचा व्हिडीओ व्हॉयरल झाला आहे.

पाहा व्हिडीओ

नेमकी घटना काय

टीप्परमध्ये रेती भरली होती. ट्रॅक्टरमध्ये खात भरलेला होता. टीप्परवाल्याने ट्रॅक्टरवर धडक दिली. यात ट्रॅक्टर चालक ठार झाला. पाच जण गंभीर जखमी झाले. ही घटना बुधवारी १५ जूनला घडली. पाच जखमींना गोंदियातील सहयोग रुग्णालयात दाखल करण्यात आले. त्यापैकी आणखी एकाचा मृत्यू झाला. पहिल्या मृतकाचं मृतदेह दवनीवाडा पोलीस ठाण्यात नेण्यात आला. मृतकाच्या कुटुंबीयांना आर्थिक मदत मिळावी, अशी मागणी करण्यात आली. दुसऱ्या मृतकाचे १६ जूनला शवविच्छेदन करण्यात आले. गावकऱ्यांनी रस्ता रोको आंदोलन केले. लोकं जमा झालं. पोलीस फौजफाटा गावात तैनात करण्यात आला. गावकऱ्यांनी पोलिसांवर दगडफेक केली. पोलिसांनी लाठीचार्ज केला. त्या घटनेत पाच पोलीस जखमी झाले.

प्रशांत आगासेंचा घटनास्थळी मृत्यू

ट्रॅक्टरवरील पाच शेतमजूर गंभीर जखमी झाले. प्रशांत धर्मराज आगासे यांचा मृत्यू झाला. गोविंद योगराज आगासे, गुलशन बलीराम कावळे, शैलेश भोयर, विशाल मुन्नालाल नागपुरे, उमेश शंकर आगासे असे गंभीर जखमीचे नाव आहेत. गंभीर जखमीवर गोंदिया येथील खासगी रुग्णालयात दाखल करण्यात आले. अपघाताची माहिती कळताच लोकांनी एकच गर्दी घटनास्थळी होत संतप्त लोकांनी टिप्पर जाळला. घटनास्थळी पोलिसांचा मोठा फौजफाटा तैनात करण्यात आला. तणावाचे वातावरण निर्माण झाले होते.