मनसे कार्यकर्त्याकडून सदावर्ते यांना धमकी; ‘गाडी फोडू, घरावर…’, ऑडिओ क्लिप समोर
मोठी बातमी समोर येत आहे, राज ठाकरे यांच्याविरोधात तक्रार दाखल केल्यानंतर मनसे कार्यकर्त्याकडून गुणरत्न सदावर्ते यांना आता धमकी देण्यात आली आहे, त्याची ऑडिओ क्लिप देखील समोर आली आहे.
ज्येष्ठ वकील गुणरत्न सदावर्ते यांना मनसे कार्यकर्त्याकडून धमकी देण्यात आली आहे. मनसेप्रमुख राज ठाकरे यांच्याविरोधातील तक्रारीनंतर कार्यकर्त्यांकडून गुणरत्न सदावर्ते यांना धमकी देण्यात आली आहे. गाडी फोडण्याची धमकी सदावर्ते यांना देण्यात आली आहे. सदावर्ते यांनी राज ठाकरे यांच्याविरोधात तक्रार दाखल केली होती, त्यानंतर मनसे कार्यकर्त्याकडून गुणरत्न सदावर्ते यांना धमकी देण्यात आली आहे. याची एक ऑडिओ क्लिप देखील समोर आली आहे.
नेमकं काय आहे ऑडिओ क्लिपमध्ये?
मनसे कार्यकर्त्यानं गुणरत्न सदावर्ते यांना फोन केला, त्यानंतर गुणरत्न सदावर्ते यांनी विचारलं कोण बोलतय? सदावर्ते यांच्या या प्रश्नावर मी राज ठाकरे साहेबांचा महाराष्ट्र सैनिक बोलतोय असं सांगण्यात आलं. त्यानंतर तुम्ही राज साहेबांबद्दल चुकीचं स्टेटमेंट कशाला देता? असा सवाल सदावर्ते यांना करण्यात आला.
या प्रश्नाला उत्तर देताना सदावर्ते यांनी सांगितलं की, नॅशनल एज्युकेशन पॉलिसी आहे. तीन भाषा शिकवण्याचा अधिकार आहे. मला सांगा जर तीन भाष शिकण्याचा अधिकार असल्यानंतर आपण लोकांच्या पोरांना खिशातल्या पैशांनी शिकवतो का ओ?
त्यानंतर मनसेच्या कार्यकर्यानं गुणरत्न सदावर्ते यांना धमकी दिली. तुमच्या घरावर हल्ला झाला तर त्याची जबाबदारी तुमची असेल, उद्या जर तुम्ही गाडीमध्ये असाल तर गाडीची काच फोडली जाईल हे लक्षात ठेवा, असं मनसे कार्यकर्यानं सदावर्ते यांना म्हटलं. दरम्यान त्यानंतर सदावर्ते देखील चांगलेच आक्रमक झाले. मला हल्ल्याची भीती वाटत नाही, तुम्ही अशा धमक्या मला देऊ नका, राज ठाकरे यांना सुधारायला सांगा, असं सदावर्ते यांनी या मनसेच्या कार्यकर्त्याला म्हटलं.
हिंदी भाषेच्या मुद्द्यावर मनसे आक्रमक
दरम्यान राज्य सरकारनं आता पहिलीपासून हिंदी भाषा शिकवण्यात येणार असल्याचं म्हटलं आहे. यावरून राज्यात वातावरण चांगलंच तापलं असून, मनसेकडून राज्य सरकारच्या या धोरणारविरोधात आक्रमक भूमिका घेत विरोध करण्यात आला आहे.
