फोटो लावा किंवा संपत्ती जप्त करा, पण नांदेडच्या उपजिल्हाधिकाऱ्याला बेड्या ठोका, सीआयडीला आदेश

नांदेडमधील धान्य घोटाळ्याप्रकरणी उपजिल्हाधिकारी संतोष वेणीकरला अटक करण्याचे आदेश उच्च न्यायालयाच्या औरंगाबाद खंडपीठाने दिले आहेत.

फोटो लावा किंवा संपत्ती जप्त करा, पण नांदेडच्या उपजिल्हाधिकाऱ्याला बेड्या ठोका, सीआयडीला आदेश
Follow us
| Updated on: Sep 02, 2019 | 4:27 PM

नांदेड : नांदेडचा उपजिल्हाधिकारी (Nanded Deputy Collector) संतोष वेणीकर (Santosh Venikar) याला अटक करा, असे आदेश उच्च न्यायालयाने सीआयडीला दिले आहेत. कृष्णूरमधील धान्य घोटाळ्याप्रकरणी वेणीकरला अटक करण्याचे आदेश देण्यात आले आहेत. वेणीकर सापडत नसल्यास त्यांची संपत्ती जप्त करण्याचे आदेश उच्च न्यायालयाच्या औरंगाबाद खंडपीठाने दिले आहेत.

उच्च न्यायालयाच्या या आदेशामुळे महसूल कर्मचारी आणि अधिकाऱ्यांत खळबळ उडाली आहे. कोट्यवधी रुपयांचे शासकीय धान्य काळ्या बाजारात विकल्याचा गुन्हा गेल्या वर्षी जुलै महिन्यात दाखल झाला होता. त्यात आता सामाजिक कार्यकर्त्याने स्वतंत्र याचिका दाखल करुन या प्रकरणाचा योग्य तपास करण्याची मागणी केली होती.

आता या प्रकरणात उपजिल्हाधिकारी वेणीकर सापडत नसल्यास त्याचे पोस्टर लावावेत, संपत्ती जप्त करावी, असे आदेश न्यायालयाने दिले आहेत. आता उपजिल्हाधिकारी वेणीकरला स्वतःला सीआयडीच्या स्वाधीन करण्याशिवाय पर्याय उरला नसल्याचं मानलं जात आहे.

धान्य घोटाळ्यातील याचिकाकर्ते मोहम्मद रफीक अब्दुल शकुर यांच्यावर विविध प्रकारे दबाव आणण्याचा प्रयत्न होत असल्याचा आरोप केला जात आहे. याचिककर्ता परभणीत असताना नांदेडमध्ये जीवे मारण्याची धमकी दिल्याचा गुन्हा त्यांच्याविरोधात नोंद आहे.

या धान्य घोटाळ्यात आतापर्यंत अजय बाहेती, राजू पारसेवार, ललीतराज खुराणा, प्रकाश तापडीया हे गर्भश्रीमंत व्यापारी अद्याप तुरुंगात आहेत. त्यासोबतच महसूल विभागाचे चार कर्मचारीही अटकेत आहेत. या आरोपींनी जामीन मिळवण्याचा प्रयत्न केला, मात्र न्यायालयाने जामीन नाकारला.

नांदेडचा तत्कालीन जिल्हा पुरवठा अधिकारी संतोष वेणीकरला यापूर्वीच बिलोली इथल्या न्यायालयाने अटकपूर्व जामीन फेटाळला आहे. गेल्या दीड महिन्यापासून नांदेडचा निवासी जिल्हाधिकारी असलेला वेणीकर परागंदा आहे. धान्य घोटाळ्याचा तपास करणाऱ्या सीआयडीने वेणीकर सापडत नसल्याचं हायकोर्टात सांगितलं. त्यावर हायकोर्टाने वेणीकरचे छायाचित्रे लावून त्याचा शोध घ्या, वर्तमानपत्रात शोधमोहीम राबवा, इतकंच काय तर त्यांची संपत्ती जप्त करा, पण वेणीकरला अटक करा असे आदेश दिले आहेत.

या आदेशामुळे वेणीकरच्या अडचणी वाढल्या आहेत, शिवाय आता या घोटाळ्यात अन्य कुणाचा नंबर लागतो, याकडे महसूल विभागाचे लक्ष लागलेलं आहे.

Non Stop LIVE Update
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.