Sanjay Raut : कॅप्टन खरातची एपस्टिनसोबत तुलना, संजय राऊत यांचा घणाघात, म्हणाले, जगात आणि राज्यात…

स्वयंघोषित अंकशास्त्रज्ञ कॅप्टन अर्थात भोंदू बाबा अशोक खरात याचं प्रकरण राज्यभरात गाजतं आहे. त्याच्यावर लैंगिक शोषणाचे आरोप आहे. त्याला बेड्या ठोकण्यात आल्या असून न्यायालयाने 24 मार्चपर्यंत पोलीस कोठडी ठोठावली आहे. अशोक खरातवर अनेक आरोप असून राज्यातील अनेक बडे नेते , राजकारणी, सेलिब्रिटीही त्याच्या संपर्कात असल्याचे समोर आले होते. त्याने कोट्यवधींची मायाही जमवल्याचा आरोप आहे. याच प्रकरणावरून राज्यातलं वातावरण चांगलंच तापलं असून शिवसेना खासदार संजय राऊत यांनीही टीकास्त्र सोडलं आहे. जगभरात गाजणाऱ्या एपस्चटीन फाइल्सशी याची तुलना त्यांनी केली असून जगात एपस्टीन फाइल्स तर महाराष्ट्रात खरात फाइल्स गाजत आहे, असं राऊत म्हणाले.

राऊतांकडून मुख्यमंत्र्यांचे अभिनंदन

खरात प्रकरणाची पाळमुळे उखडून काढणयासाठी मुख्यमंत्री फडणवीसांनी गृहखात्याच्या माध्यमातून जी मोहिम राबवली , त्यासंदर्भातील माहिती आता समोर येत आहे. या महाराष्ट्राल कलंकित करणारी, बदनाम करणारी अशी कृत्य, त्याचे सूत्रधार आणि त्यांना राजकीय, सामाजिक प्रतिष्ठा देणार पुढारी, मंत्री या सगळ्यांचं धाबं मुख्यमंत्र्यांच्या कारवाईमुळे दणाणलेलं दिसतंय. आम्ही मुख्यमंत्र्यांव नेहमी टीका करतो, कालही आम्ही याप्रकरणात त्यांच्यावर टीका केली. पण जसजशी माहिती समोर येत्ये, की गेल्या 15 दिवसांपासून अत्यंत गुप्तपणे मुख्यमंत्र्यांनी खरात फाईल्स संदर्भात कारवाईचे आदेश दिले होते आणि पोलिसांची पथकं काम करत होती, ते ऑपरेशन यशस्वी झालं, असं म्हणत राऊतांनी मुख्यमंत्र्यांचे अभिनंदन केलं. मुख्यमंत्र्यांनी याबाबत साफसफाई सुरू केली असेल तर ते कौतुकास पात्र आहेत, असंही ते म्हणाले.

अशोक खरात हा फडणवीसांच्या कॅबिनेटमधील अनेक मंत्र्यांचे गुरूमहाराज आहेत, त्याची चौकशी सुरू आहे. त्याच्या मोबाईलमध्ये अनेक आक्षेपार्ह क्लिप्स सापडल्या आहेत, त्यामुळे फडणवीसांच्या मंत्रीमंडळातील अर्धे मंत्री तणावाखाली आहेत. काही लोकांना तर आयसीयूमध्ये भरती कराव लागलं आहे, अशी माहिती समोर येत आहे. या भोंदूबाबाने पोलिसांनी जी माहिती दिली आहे ती अत्यंत गोपनीय जरी असली तरी महाराष्ट्राच्या सध्याच्या मंत्रीमंडळातले 9 मंत्री हे या भोंदूबाबाचे नियमित भक्त होते. त्यांच्याकडे जाऊन अत्यंत घृणास्पद विधि करत होते अशी टीका राऊतांनी केली.

चाकणकरांना तर जावच लागेल

राष्ट्रवादी काँग्रेसच्या नेत्या आणि राज्य महिला आयोगाच्या अध्यक्ष रुपाली चाकणकर यांचे खरात यांच्यासोबतचे अनेक फोटो समोर आले असून त्या टीकेच्या धनी ठरल्या आहेत. संजय राऊत यांनीही चाकणकरांवर टीकास्त्र सोडलं आहे. हा विषय फक्त महिला आयोगाच्या अध्यक्षांपुरता मर्यादित नाहीये ना. या प्रकरणात मंत्रीमंडळातले काही मंत्री आहेत, काही महत्वाचे नेते आहेत, याांचाही विचार केला पाहिजे.  महिला आगोयाच्या अध्यक्षांना तर जावचं लागेल, त्यांना घालवण्यात मुख्यमंत्री कमी पडले तर ते राज्याचं दुर्दैव ठरेल, असं राऊत म्हणाले.