Nashik TCS Conversion : मतीन पटेल यांच्या वकीलाचा कांगावा,म्हणाले, ‘महिला असल्याने….
विशेष पोलिस पथकाच्यासमोर निदा खान प्रकरणातील आरोपी नगरसेवक मतीन पटेल यांचा आज जबाब नोंदवण्यात आला. त्यांचा मोबाईलचा पंचनामा करुन तो देखील जप्त करण्यात आला आहे.
नाशिक टीसीएस धर्मांतरण प्रकरणातील आरोपी निदा खान हिला आश्रय दिल्याच्या प्रकरणातील आरोपी एमआयएमचे नगरसेवक मतीन पटेल यांची आज पोलिस चौकशी झाली. मतीन पटेल यांच्या अनधिकृत घराचे पाडकाम करण्यात आले होते. त्याना नाशिक प्रकरणात कायद्यानुसार नोटीस बजावण्यात आली होती.आज त्यांना पोलिसांसमोर हजर राहायचे होते.विशेष पोलिस पथकासमोर एमआयएमचे नगरसेवक मतीन पटेल यांचा जबाब नोंदवण्यात आला आहे. या चौकशीनंतर मतीन पटेल यांनी आपली प्रतिक्रीया दिली आहे.
नाशिक टीसीएस धर्मांतरण प्रकरणातील मुख्य आरोपी निदा खान हिला लपवून ठेवण्याच्या प्रकरणातील एमआयएमचे नगरसेवक मतीन पटेल यांच्यावरही गुन्हा दाखल झाला आहे. त्यांना पोलिसांनी नोटीस देत चौकशीसाठी बोलावले होते. विशेष पोलिस पथकासमोर मतीन यांचा जबाब नोंदवण्यात आला. त्यांच्या सोबत त्यांचे वकील ॲड.अभयसिंग भोसले देखील हजर होते.
विशेष पोलिस पथकाच्यासमोर नगरसेवक मतीन पटेल यांचा जबाब नोंदवण्यात आला आहे. त्यांचा मोबाईलचा पंचनामा करुन तो जप्त करण्यात आला आहे.ज्यावेळी पोलिस तपासासाठी बोलवतील तेव्हा त्यांना हजर राहण्यास सांगितले आहे असे त्यांचे वकील ॲड.अभयसिंग भोसले यांनी सांगितले. मतीन पटेल यांना पुढच्या सोमवारी चौकशीला बोलावले असल्याचे ते म्हणाले. आपला अशिल तपासात सहकार्य करीत आहे. त्यांनी पोलिसांना जी काही उत्तरे दिली आहेत, ती तपासाचा भाग असल्याने आणि प्रकरण न्यायप्रविष्ठ असल्याने आपण सांगणार नाही असेही ॲड.अभयसिंग भोसले यांनी सांगितले.
महिला होती म्हणून मदत केली …
मतीन यांनी नगरसेवक या नात्याने मदत केली असे म्हटले जात आहे. या संदर्भात मदत मागितली होती असे काही नव्हते. महिला म्हणून मतीन यांनी त्यांना मदत केल्याचे ॲड.अभयसिंग भोसले यांनी सांगितले. पुढच्या सोमवारीसाठी पोलिसांनी त्यांना तपासासाठी बोलवले आहे. पुढच्या सोमवारी ते हजर राहतील सहकार्य करतील असेही भोसले यांनी सांगितले.
मतीन पटेल काय म्हणाले…
नाशिक पोलिसांनी नोटीस दिली होती. त्यामुळे हजर राहण्यासाठी मी आलो होतो. मला जे जे प्रश्न विचारले त्याचे उत्तर मी दिले आहे. पोलिसांना सहकार्य केले आहे. यापुढेही गरज असेल अजून पुढे चौकशीला येऊ असे नगसेवक मतीन पटेल यांनी म्हटले आहे. पोलिसांनी जे विचारले ते मी त्यांना सांगितले आणि पोलीसांचे समाधान झाले आहे. मी चौकशीसाठी स्वतःहून मोबाईल जमा केला आहे असेही मतीन यांनी सांगितले.आमचेघर तोडले. आम्ही कारवाई विरोधात कोर्टात याचिका टाकली आहे.15 तारखेला सुनावणी आहे. आम्हाला 24 तासाची वेळ दिली आणि 18 तासांतच घर तोडले. कोर्टात तारीख आहे, आम्ही कोर्टात लढणार आहोत. हे चुकीचे केले आहे असेही मतीन पटेल यांनी सांगितले.
