Maharashtra News Live Update: अमित शाह मुंबईत दाखल; मुख्यमंत्री एकनाथ शिंदे, उप मुख्यमंत्री देवेंद्र फडणवीस यांनी केले स्वागत

सध्या राज्यात मोठ्या उत्साहात गणेशोत्सव सुरू असून अनेक विविध कार्यक्रमांचीही रेलचेल चालू आहे. तर दुसरीकडे मात्र भाजपचे वरिष्ठ नेते आणि केंद्रीय गृहमंत्री मुंबई दौऱ्यावर आल्याने राज्यातील राजकीय घडामोडींना प्रचंड वेग आला आहे. गणेशोत्सवाच्या धामधुमीत शिवसेनेच्या दसऱ्या मेळाव्याच्या चर्चेला उधान आले असून त्यासाठी आता परवानगी कोणाला मिळणार याकडे शिवसैनिकांसह राज्याचेही लक्ष लागून राहिले आहे. अमित शहा मुंबई दौऱ्यावर आले असल्याने आता पुन्हा एकदा गणेशोत्सवाच्या निमित्ताने मुंबई महानगरपालिका निवडणुकांबद्दल भाजप, शिंदे गटाची काय चर्चा होणार याकडेही मुंबईकरांसह राज्याचे लक्ष लागून राहिले आहे. राज्यातील राजकीय, सामाजिक आणि गणेशोत्सवाच्या पार्श्वभूमीवर काय काय घडत आहे आणि घडणार आहे त्या घटनाघडामोडींचे अपडेट तुम्हाला टीव्ही 9 मराठीवर वाचायला मिळणार आहेत.