Maharashtra News LIVE : दिशा सालियानचे वडील आदित्य ठाकरेंना मातोश्रीवर जाऊन देणार नोटीस

गोंदिया येथे जिल्हा परिषद शाळेसमोर विद्यार्थ्यांचे आंदोलन सुरु आहे. शिक्षकाच्या पदोन्नतीनंतर बदलीला विद्यार्थ्यांचा विरोध आहे. ‘सरांची पदोन्नती याच शाळेत करा’, विद्यार्थ्यांची मागणी आहे. शिक्षक परत येईपर्यंत आंदोलन सुरूच ठेवण्याचा विद्यार्थ्यांचा इशारा.

धाराशिव जिल्ह्यात गेल्या ४० दिवसांपासून पावसाने दांडी मारल्याने शेतकरी संकटात सापडला आहे. शेतात थोडेफार शिल्लक असलेल्या पाण्यावर पीक वाचवण्याचा शेतकऱ्यांचा प्रयत्न सुरू आहे. मात्र, वीजपुरवठ्याच्या लोडशेडिंगमुळे उपलब्ध पाणीही पिकांना देता येत नसल्याची शेतकऱ्यांची अडचण निर्माण झाली आहे.

वर्धा येथील आर्वी मार्गावर तळेगाव शिवारात भीषण अपघात झाला आहे. अपघातात दोन जणांचा मृत्यू झाला आहे. दोन जण गंभीर जखमी झाले आहेत.  आयशर वाहन, डंपर, ट्रॅक्टरचा पहाटेच्या सुमारास अपघात घडला आहे.

मागील काही महिन्यांपूर्वी बच्चू कडू आणि अनिल बोंडे यांच्यामध्ये टीकाटिपणी सुरू होती. शिवसेना शिंदे गटाचे आमदार बच्चू कडू आणि भाजपचे राज्यसभा खासदार डॉ. अनिल बोंडे यांची भेट झाल्याचे समोर आले आहे. बोंडे यांच्या निवासस्थानी आयोजित कार्यक्रमाला बच्चू कडू यांनी हजेरी लावली.

नाशिकमधील सुरगाणा तालुक्यात भूकंपाचे धक्के जाणवल्याची माहिती समोर आली आहे. डांगराळे, शिंदे, रोकडपाडा परिसरात भूकंपाचे धक्के जाणले आहेत. परिसरातील नागरिकांमध्ये भीतीचे वातावरण पाहायला मिळत आहे.

गणेशोत्सवाच्या पार्श्वभूमीवर नाशिकमध्ये महत्त्वाचा निर्णय घेण्यात आला आहे. आजपासून पुढील ६ दिवस रात्री १२ वाजेपर्यंत गणेश मंडळांना देखावे खुले ठेवता येणार. आवाजाच्या मर्यादित ध्वनिवर्धक वापरास प्रशासनाची सशर्त परवानगी देण्यात आली आहे.