Maharashtra News LIVE : 30 जूनपूर्वी शेतकऱ्यांना कर्जमाफी

Maharashtra News LIVE : राज्यातील अनेक भागात पेट्रोल आणि डिझेलचा तुटवडा जाणवत आहेत. पेट्रोल पंपावर लांबच लांबा रांगा लागल्या आहेत. तर बुलढाणा जिल्ह्यात डिझेलचा टँकर पोहचताच हातात कॅन घेऊन लोकांची धावपळ होताना दिसली. देशात कॉक्रोच पार्टीने धुमाकूळ घातला आहे. या पार्टीचे अकाऊंट सस्पेन्ड करण्यात आले असले तरी अनेक सोशल मीडिया प्लॅटफॉर्मवर युझर्स या पक्षाच्या समर्थनार्थ समोर आल्याचे दिसले. स्थानिक स्वराज्य संस्थेच्या विधान परिषद निवडणुकीसाठी महायुतीत रस्सीखेच सुरू असल्याचे दिसते. ठाणे आणि पुण्यात शिंदेसेना आणि अजितदादांच्या राष्ट्रवादीने दावा केला आहे. तर शेतकऱ्यांना लवकरच कर्जमाफीचा दिलासा मिळणार आहे. 30 जूनपूर्वी कर्जमाफीची हमी सरकारने दिली आहे. तोपर्यंत बँकांनी वसुलीचा तगादा लावू नये असे मुख्यमंत्री देवेंद्र फडणवीस यांनी स्पष्ट केले आहे. मनोज जरांगे पाटील यांनी मराठा आरक्षणासंदर्भातील मागण्यांसाठी 30 मे हा अल्टिमेटम दिला आहे. तर आज भाजप आमदार प्रसाद लाड हे अंतरवाली सराटीत जरांगे यांची भेट घेणार आहेत.