Maharashtra News LIVE: दिवसभरातील प्रत्येक घडामोडींचे अपडेट्स मिळवा एका क्लिकवर

* शासकीय सेवेत राहून खासगी प्रॅक्टिस करणाऱ्या डॉक्टरांवरही कारवाईचे आदेश
* कामचुकार डॉक्टरांना सेवेतून थेट घरी बसवण्याचा इशारा
* गैरहजर डॉक्टरांची तातडीने चौकशी करून कारवाई करण्याचे निर्देश
* सोलापूरमधील आरोग्य विभागाच्या आढावा बैठकीत आबिटकर आक्रमक
* रुग्णसेवेत हलगर्जीपणा खपवून घेतला जाणार नसल्याचा स्पष्ट इशारा
* बोगस डॉक्टरांवर आठ दिवसांत धडक कारवाई करण्याचे आदेश

छत्रपती संभाजीनगर महापालिकेच्या कर्मचाऱ्यांसाठी दिवाळीची आनंदाची बातमी आहे. यंदा वर्ग 4 मधील कर्मचाऱ्यांना 5 हजार रुपयांचे सानुग्रह अनुदान देण्याचा निर्णय घेण्यात आला आहे. यापूर्वी हे अनुदान 3 हजार 500 रुपये होते. त्यात वाढ करून आता 5 हजार रुपये देण्यात येणार आहेत. तसेच पात्र कर्मचाऱ्यांना 3 हजार 500 रुपयांची दिवाळी भेट दिली जाणार आहे.

धाराशिव जिल्ह्यात दुष्काळी परिस्थितीमुळे शेतकरी आर्थिक संकटात सापडले असताना उमरगा तालुक्यातील जक्केकुरच्या शेतकऱ्यांनी शेतीतून उत्पन्नाचा नवा पर्याय शोधला आहे. दुष्काळाच्या पार्श्वभूमीवर केवळ पारंपरिक पिकांवर अवलंबून न राहता ११ शेतकऱ्यांनी एकत्र येत तब्बल ११ एकर क्षेत्रावर नाचणी लागवडीचा यशस्वी प्रयोग केला आहे. विशेष म्हणजे, नैसर्गिक पद्धतीने केलेल्या या नाचणी लागवडीतून एकरी सुमारे ६० हजार रुपयांचे उत्पन्न मिळण्याची अपेक्षा आहे. यासोबतच जनावरांसाठी हिरवा चाराही उपलब्ध होणार असल्याने शेतकऱ्यांना दुहेरी फायदा होण्याची शक्यता आहे. धाराशिव जिल्ह्यातील हा पहिलाच प्रयोग असल्याचा दावा शेतकऱ्यांनी केला आहे. दुष्काळाशी दोन हात करत जक्केकुरच्या शेतकऱ्यांनी नाचणीच्या माध्यमातून शेतीला नवी दिशा देण्याचा प्रयत्न केला आहे.

दिवसेंदिवस दुष्काळाची दाहकता अधिकच वाढत असून सध्या निर्माण झालेल्या दुष्काळी परिस्थितीमुळे वेगवेगळ्या अंगान त्याचा फटका बसू लागलेला आहे, अंबड तालुक्यातल्या लोणार भायगाव येथील सुरेश दसपुते या शेतकऱ्याची पपईची बाग पाण्याअभावी वाळून जात आहे. जवळपास दोन एकर क्षेत्रावरील ही पपईची बाग त्यांनी लावली होती तळहाताच्या फोड्याप्रमाणे जपलेल्या फळबागा आपल्या डोळ्यादेखतच जळून जात असल्याने सध्या फळबाग उत्पादक शेतकरी मोठ्या चिंतेत आहे, दरम्यान येत्या काळात ही परिस्थिती यापेक्षाही बिकट होण्याची शक्यता असून उर्वरित फळबागा देखील नष्ट होण्याच्या मार्गावर आहे

जालना जिल्ह्यामध्ये पाणीटंचाईचं संकट अधिकच गंभीर होत असताना प्रशासनाकडून अनेक गावांना टँकरद्वारे पाणीपुरवठा सुरू आहे,अंबडच्या लोणार भायगाव या गावांमध्ये प्रशासनाकडून गावकऱ्यांना पिण्याच्या पाण्याची सोय व्हावी यासाठी टँकर सुरू करण्यात आला आहे, त्यामुळे ग्रामस्थांमध्ये सध्या आनंदाचे वातावरण पाहायला मिळत आहे. दुष्काळाची दाहकता अधिकच मोठ्या प्रमाणात वाढत असल्याने आसपास असलेले छोटे-मोठे जलस्रोत कोरडे ठाक पडल्याने मागच्या अनेक दिवसापासून या ग्रामस्थांनी प्रशासनाकडे टँकर सुरू करण्याची मागणी केली होती, त्याची दखल प्रशासनाने गांभीर्याने घेतली आणि टँकर सुरू करून गावकऱ्यांना मोठा दिलासा दिलाय..

नालासोपा-यात मद्यधुंद अवस्थेत रस्त्याने जाणाऱ्या महिलेशी अश्लील वर्तन
अश्लील वर्तन करणाऱ्या नराधमाला महिलेसह नागरिकांनी पकडून बेदम चोप दिला आहे.
चोप दिल्याचा व्हिडिओ सोशल मीडियावर व्हायरल
नालासोपारा पूर्वे प्रगतीनगर येथील लिव्हिंग लिक्विड वाईन शॉपसमोरील मुख्य रस्त्यावर रात्री साडे नऊ च्या सुमारास ही घटना घडली आहे.
भर वस्तीतील मुख्य रस्त्यावर महिलेशी अश्लील वर्तन झाल्याने नागरिकात तीव्र संताप व्यक्त होत असून, कायदा सुव्यवस्थे वरच प्रश्नचिन्ह निर्माण झाले आहे.

TCS धर्मातर आणि लैगिक शोषण प्रकरणात Mim नेते इम्तियाज जलिल याच्यावर गुन्हा दाखल