मनोज जरांगे पाटील यांची प्रकृतीत सुधारणा, डॉक्टरांकडून तब्येतीबाबत मोठी अपडेट, या आजाराची लक्षणं
मोठी बातमी समोर येत आहे, मराठा आरक्षण आंदोलक मनोज जरांगे पाटील यांची तब्येत अचानक खालावली आहे, त्यांना शुक्रवारी रात्री उशिरा उपाचासाठी रुग्णालयात दाखल करण्यात आलं आहे.
मोठी बातमी समोर येत आहे, मराठा आरक्षण आंदोलक मनोज जरांगे पाटील यांची प्रकृती अचानक खालावली आहे. शुक्रवारी रात्री उशिरा अचानक त्यांना त्रास सुरू झाल्यामुळे, मनोज जरांगे पाटील यांना उपचारासाठी छत्रपती संभाजीनगर येथील गॅलक्सी रुग्णालयात दाखल करण्यात आलं आहे. त्यांच्यावर सध्या गॅलक्सी रुग्णालयात उपचार सुरू असून, डॉक्टरांनी त्यांच्या प्रकृतीबाबत महत्त्वाची माहिती दिली आहे. काल रात्री पेक्षा सकाळी त्यांच्या तब्येतीत सुधारणा दिसून येत असल्याची माहिती डॉक्टर विनोद चावरे यांनी दिली आहे. दरम्यान मनोज जरांगे पाटील यांना टायफाईडची लक्षणं दिसून येत असल्याचंही यावेळी चावरे यांनी म्हटलं आहे.
मनोज जरांगे पाटील हे पुन्हा एकदा मराठा आरक्षणाच्या पार्श्वभूमीवर येत्या 29 ऑगस्टला पासून आंदोलनाला सुरुवात करणार आहेत. कुणबी प्रमाणपत्र रद्द होत असल्याचा आरोप त्यांनी केला आहे. या पार्श्वभूमीवर या आंदोलनाला महत्त्व प्राप्त झालं आहे. राज्यभरातील मराठा बांधवांनी अंतरवाली सराटी येथे उपस्थित रहावं असं आवाहनही मनोज जरांगे पाटील यांच्याकडून करण्यात आलं आहे. या आंदोलनाच्या पार्श्वभूमीवर मनोज जरांगे पाटील यांनी नुकताच पश्चिम महाराष्ट्राचा दौरा केला. मराठी बांधवांच्या गाठीभेटी घेतल्या. मात्र त्यानंतर आता त्यांची प्रकृती बिघडली आहे.
शुक्रवारी रात्री त्यांना अचानक त्रास जाणवू लागल्याने त्यांना उपचारासाठी छत्रपती संभाजीनगरमधील गॅलक्सी रुग्णालयात दाखल करण्यात आलं. दरम्यान त्यांच्या प्रकृतीबाबत माहिती देताना डॉक्टरांनी सांगितलं की, काल रात्री पेक्षा सकाळी त्यांच्या तब्येतीत सुधारणा दिसून येत आहे, मनोज जरांगे पाटील यांना टायफाईडची लक्षणं दिसून येत आहे, अशी माहिती डॉक्टर चावरे यांनी दिली आहे.
दरम्यान 29 ऑगस्टला मनोज जरांगे पाटील यांनी आंदोलनाची हाक दिली आहे, या आंदोलनाला आता अवघे काही दिवस शिल्लक असतानाच जरांगे पाटील यांची प्रकृती बिघडली आहे. त्यामुळे मनोज जरांगे आता काय निर्णय घेणार? याकडे सर्वांचं लक्ष लागलं आहे. या आंदोलनाला मराठा बांधवांची तुफान गर्दी होण्याची शक्यता आहे.
