सांगली जिल्हा बँकेच्या निवडणुकीचे निकाल जाहीर, गोपीचंद पडळकर यांचा मोठा विजय..

सांगली जिल्हा मध्यवर्ती बँक निवडणुकीचे निकाल हाती येत आहेत. यादरम्यान भाजपा आमदार गोपीचंद पडळकर यांचा मोठा विजय झाला. गोपीचंद पडळकर यांना 54 मते पडली आहेत. ही निवडणूक प्रचंड रंगतदार झाली. गोपीचंद पडळकर यांनी थेट कोर्टात धाव घेतली होती. महाविकास आघाडीची विनोद पवार यांना पडली 34 मते आहेत. या निवडणुकीत महाविकास आघाडीला मोठा दणका बसला. भाजपाचा सांगली जिल्हा मध्यवर्ती बँकेत बोलबोला बघायला मिळत आहे. या निवडणुकीकडे राज्याच्या नजरा लागल्या होत्या. बहुचर्चित ही निवडणूक होती. निवडणुकीच्या अगोदर आरोप प्रत्यारोपाचे जोरदार सत्र रंगताना दिसले. जत सोसायटी गटातून गोपीचंद पडळकर यांचा 20 मतांनी विजयी झाला. गोपीचंद पडळकर यांचा दबदबा या निडणुकीत बघायला मिळाला.

गोपीचंद पडळकर विरुद्ध महाविकास आघाडीचे विनोद पवार यांच्यात लढत होती. अखेर पडळकरांनी या निवडणुकीत बाजी मारली. पडळकरांच्या विजयानंतर मतमोजणी केंद्रावर त्यांच्या समर्थकांचा जल्लोष बघायला मिळत आहे. गुलाल उधळून हा जल्लोष केला जात आहे. गेल्या काही दिवसांपासून ही निवडणूक चर्चेत होती. गोपीचंद पडळकर यांचा निवडणुकीत आपलाच विजय होणार असल्याचा दावा करताना दिसले.

अखेर जिल्हा बँकमध्ये गोपीचंद पडळकर यांची दणदणीत एन्ट्री झाली. मोठ्या मताधिक्क्याने पडळकर निवडून आले. सांगली जिल्हा मध्यवर्ती बँकेची निवडणूक अत्यंत अटीतटीची झाल्याचे बघायला मिळाले. तासगाव सोसायटी गटातून माजी खासदार संजयकाका पाटलांचा विजय झाला. पणत्यांचा हा विजय फक्त एका मताने झाला. एक मत जास्त मिळाले ते निवडून आले.

राष्ट्रवादी शरद पवार पक्षाच्या माजी आमदार सुमनताई पाटील यांचा पराभव झाला. एक मत कमी पडल्याने त्यांना पराभव स्वीकारावा लागला. आमदार रोहित पाटील यांना हा मोठा धक्का मानला जात आहे. आमदार रोहित पाटील मागील काही दिवसांपासून आपल्या आईचा प्रचार करत होते. मात्र, आत अवघ्या एका मताने त्यांना पराभवाचा सामना करावा लागत आहे. अहिल्यानगरमध्येही मतमोजणीला सुरूवात झाली आहे.