विमानाच्या ब्लॅक बॉक्सबद्दल रोहित पवार यांचे मोठे विधान, म्हणाले, परदेशात…
अजित पवार यांच्या विमान अपघातानंतर रोहित पवार यांनी मोठा संशय व्यक्त केला. दररोज अजित पवार यांच्या विमान अपघाताबद्दल नवनवीन खुलासे होताना दिसत आहेत. यादरम्यानच रोहित पवार यांनी मोठे विधान केले.
राज्याचे उपमुख्यमंत्री अजित पवार यांच्या निधनाने मोठी खळबळ उडाली. मुंबईहून बारामतीकडे जात असताना अजित पवार यांच्या विमानाचा भीषण अपघात झाला. या अपघातात अजित पवार यांच्यासह 5 जणांचा मृत्यू झाला. अजित पवार यांच्या निधनानंतर सर्वांनाच धक्का बसला. या विमान अपघाताचे काही व्हिडीओ पुढे आली. विमान जमिनीवर कोसळताच मोठा स्फोट झाला. एक दोन नाही तर तब्बल चार ते पाच स्फोट झाली. अजित पवार यांच्या विमान अपघाताच्या व्हिडीओमध्ये स्पष्ट दिसत आहे की, त्यांचे विमान हवेत एका बाजूने कोलमडत होते. अजित पवार यांच्यासोबत महादेव जानकर हे देखील बारामतीकडे निघणार होते, त्याच विमानाने. मात्र, उशीर झाल्याने महादेव जानकर पोहोचू शकले नाही. अजित पवार यांच्या विमान अपघातानंतर अनेक संशय व्यक्त केली जात आहेत. रोहित पवार यांनी पत्रकार परिषद घेऊन थेट संशय व्यक्त केला.
रोहित पवार यांनी नुकताच अजित पवार यांच्या विमान अपघाताच्या ब्लॅक बॉक्सबद्दल मोठे विधान केले. रोहित पवार यांनी म्हटले की, आता विषय इतकाच आहे की, ब्लॅक बॉक्स जळला कसा आणि तो भारताच्या बाहेर पाठवला गेला. हा जो काही विषय आहे, तो महत्वाचा आहे. अनेक लोक म्हणतात की, म्हणतात की, तुम्ही विलिनीकरणाबाबत प्रेस घेणार होतात.
रोहित पवार यांनी म्हटले की, आमच्यासाठी विलिनीकरण आणि राजकारण दुय्यम आहे. आज कुठल्या गोष्टीला महत्व आहे तर दादांच्या तपासाला, या गोष्टीवर आम्ही फोकस करून आहोत. आता विषय कोणता महत्वाचा आहे तर तो अपघाताचा. आज आम्ही विलिनीकरणावर चर्चा करू शकतो, बैठका घेऊ शकतो, प्रेस घेऊन तुमच्यासमोर सगळे आणू शकतो. आमच्याकडे पुरावे आहेत.
अपघाताची चाैकशी होणे हेच महत्वाचे आणि यावरच आमचा फोकस आहे, असेही रोहित पवार यांनी म्हटले. रोहित पवार यांनी पत्रकार परिषद घेत थेट अजित पवार यांच्या निधनानंतर मोठा संशय व्यक्त केला. खासगी गुप्तहेर संस्थेकडून अजित पवार यांच्या विमान अपघाताची चाैकशी केली जात असल्याचीही माहिती पुढे आली.
